+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Nur-Sultan - NS týrıstik brendi jasaldy - Altaı Kólginov

2019 jylǵy 19 qyrkúıek 11:55
Bólisińiz:
Nur-Sultan - NS týrıstik brendi jasaldy  - Altaı Kólginov

NUR-SULTAN. QazAqparat - Nur-Sultan qalasynyń ákimi Altaı Kólginov elordanyń týrıstik áleýeti týraly baıandady, dep habarlaıdy QazAqparat tilshisi.

Uqsas jańalyqtar
Aqtoty Raıymqulova Dúnıejúzilik týrızm uıymynyń bas hatshysymen kezdesti Helsınkı, Tallın, Tashkent, Qazan merleri týrızmdi damytý jóninde keńes berdi Elordaǵa UNWTO týrıstik forýmynyń alǵashqy delegattary keldi

«Qaladaǵy týrızm salasy óte qarqyndy damyp keledi. Sońǵy 10 jylda týrıster men qonaq úıler sany eselep artty. Nur-Sultan qalasyndaǵy jańa áýejaı termınalynyń ashylýy jolaýshylar aǵynyn 3,5 esege kóbeıtýge múmkindik berdi. Bizdiń áýejaı jylyna 8 mln týrısti qabyldaı alady», - dedi ákim PATA Travel Mart 2019 Azııa-Tynyq muhıty elderiniń halyqaralyq týrıstik kórmesinde.

Onyń aıtýynsha, bıyl elorda Mastercard kompanııasynyń úzdik 200 týrıstik baǵyty reıtıngine endi.

«Nıý-Iork, Los-Andjeles, Kýala-Lýmpýr syndy jahandyq qalalardyń tájirıbesin zerttep, Nur-Sultan - NS týrıstik brendi jasaldy. Prezıdenttiń tapsyrmasymen bıyl astanada Halyqaralyq týrızm men qonaqjaılylyq ýnıversıteti ashylady», - dedi A. Kólginov.

Odan bólek, elordanyń týrızmin damytýdyń úsh negizgi baǵyty anyqtalǵan.

«Birinshi baǵyt - oqıǵalyq, is-sharalar týrızmin damytý, álem chempıonattaryn kóptep uıymdastyrý. Mysaly, qazir Nur-Sultanda kúresten álem chempıonaty ótip jatyr. Maýsym aıynda Ortalyq Azııanyń Comic Con festıvali ótti, oǵan 53 myń adam keldi. Shilde aıynda dástúrli Ironman ótkizdik. Ekinshi baǵyt - medıtsınalyq týrızm. Halyqaralyq sarapshylar Nur-Sultanda medıtsınalyq týrızmniń úlken áleýetin kórip otyr. JSI akkredıttegen jeti uıymnyń altaýy bizdiń astanamyzda ornalasqan. Úshinshiden, Nur-Sultan - Eýrazııadaǵy úzdik kórme ortalyǵy. Biz Halyqaralyq kongresster men konferentsııalar qaýymdastyǵynyń Eýrazııadaǵy eń iri múshesimiz. Halyqaralyq deńgeıdegi sharalar sheteldik qonaqtardy kóbeıtip qana qoımaı, qala ekonomıkasynyń damýyna yqpal etedi», - dedi A. Kólginov.

Eske sala ketsek, TMD aýmaǵynda alǵash ret Nur-Sultanda PATA Travel Mart 2019 Azııa-Tynyq muhıty elderiniń halyqaralyq týrıstik kórmesi ashyldy. Oǵan Azııa-Tynyq muhıty aımaǵy elderiniń 250-den astam týrıstik kompanııasy qatysýda. Kórme aıasynda Tax Free Qazaqstannyń týrısterge salyqsyz júıesi iske qosylady.














Bizdiń kanalymyzǵa jazylyńyz:

Basty sózder: Nur-Sultan, Ákim, Týrızm,
Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT