Nur-Sultan men Almatyda jarylǵysh zat qoıyldy dep jalǵan habar taratqan adam ustaldy
2022 jylǵy 19 sáýir 16:28

Nur-Sultan men Almatyda jarylǵysh zat qoıyldy dep jalǵan habar taratqan adam ustaldy

NUR-SULTAN. QazAqparat – Nur-Sultan men Almatyda ornalasqan birqatar ǵımaratqa jarylǵysh zat qoıyldy dep jalǵan habar taratqan adam ustaldy, dep habarlaıdy QazAqparat QR Terrorızmge qarsy ortalyǵynyń baspasóz qyzmetine silteme jasap.

Aıta keteıik, osyǵan deıin, ıaǵnı, 4 sáýirde Nur-Sultan men Almatynyń birqatar mekemeleriniń elektrondy mekenjaılarynda jarylǵysh zat qoıylǵany týraly aqparat taraǵan bolatyn.

Osyǵan baılanysty arnaıy júrgizilgen jedel izdestirý sharalarnyń barysynda Qostanaı oblysy, Jitiqara qalasynyń 1986 jyly týǵan turǵyny ustaldy. Ol osy qaladaǵy mekemelerdiń birinde IT mamany bolyp qyzmet etken.

Ol óziniń aqparatyq tehnologııalar salasyndaǵy biliktiligi men ózge de tehnologııalardy paıdalana otyryp, elorda men Almatynyń iri nysandarynyń mekenjaılaryna habar taratqan.

Kúdikti óziniń áreketin buzaqylyq nıetimen istegenin moıyndady jáne ol qamaýǵa alyndy.

Endi ol QR QK 273 baby «Terrorızm týraly kórineý jalǵan aqparat taratý» negizinde (5 aılyq eseptik kórsetkish kóleminde aıyppul salý nemese osy mólsherdegi somaǵa túzetý jumystaryna jegý, sondaı-aq 5 jylǵa deıin bas bostandyǵyn shekteý men osy merzimge bas bostandyǵynan aıyrý jazasy qarastyrylǵan) jaýap berýge týra keledi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT