+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Nur-Sultan qalasynda Qanysh Sátbaevqa eskertkish ornatyldy

2021 jylǵy 3 shilde 17:43
Bólisińiz:
Nur-Sultan qalasynda Qanysh Sátbaevqa eskertkish ornatyldy

NUR-SULTAN. QazAqparat - Memleket basshysy Qasym-Jomart Toqaevtyń tapsyrmasy boıynsha Nur-Sultan qalasynda áıgili ǵalym Qanysh Sátbaevqa eskertkish ornatyldy. Eskertkishtiń ashylý rásimine Qazaqstan Respýblıkasynyń Memlekettik hatshysy Qyrymbek Kósherbaev qatysty, dep habarlaıdy Aqorda.

Memlekettik hatshy óz sózinde Qanysh Sátbaevtyń Alash ardaqtylarymen murattas bolǵanyn aıtty. Ultqa qyzmet etýde aǵa býyndy úlgi etkenin, el isinde barlyq salaǵa belsene aralasqanyn, Qazaqstan ǵylymynyń órkendeýine eleýli úles qosqanyn atap ótti.

– «Óz eliniń qara tasyn maqtan ete almaǵan, ózge jerdiń altynyn da maqtap jarytpaq emes» degen eken Qanysh Sátbaev. Osy oıǵa salsaq, halqy Qanyshyn qal-qadirinshe ardaqtap, esimin ulyqtap keledi. Ǵulama ǵalymnyń atyna buǵan deıin qala, kóshe ataýlarynyń berilýi – sonyń aıǵaǵy. Keshegi Qazaq taý-ken-metallýrgııa ınstıtýtynyń búginde Q.I.Sátbaev atyndaǵy Qazaq ulttyq tehnıkalyq zertteý ýnıversıteti atalýy da zor mártebe. Bul – ultynyń uly perzentine kórsetken qurmetiniń bir parasy ǵana, – dedi Qyrymbek Kósherbaev.

Jobany Pavlodar oblysynyń ákimdigi men ǵalymnyń jerlesteri – Baıanaýyl jurtshylyǵy jáne músinshi Asqar Nartov júzege asyrdy.

Іs-sharaǵa Premer-Mınıstrdiń orynbasary Eraly Toǵjanov, QR Prezıdentiniń Ákimshiligi Basshysynyń birinshi orynbasary Dáýren Abaev, Bilim jáne ǵylym mınıstri Ashat Aımaǵambetov, Ekologııa, geologııa jáne tabıǵı resýrstar mınıstri Maǵzum Myrzaǵalıev, Nur-Sultan qalasynyń ákimi Altaı Kólginov, Pavlodar oblysynyń ákimi Ábilqaıyr Sqaqov, Qanysh Sátbaev atyndaǵy Qazaq ulttyq tehnıkalyq zertteý ýnıversıtetiniń rektory Meıram Begentaev jáne basqa da qoǵam ókilderi qatysty.




Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT