+7 (701) 759 90 19
USD 389.98 EUR 434.01
RUB 6.10 CNY 55.04
Jańalyqtar

Nur-Sultan qalasyn TOP-50 týrıstik baǵyt qataryna engizgimiz keledi - Mamın

2019 jylǵy 10 qazan 11:47
Bólisińiz:
Nur-Sultan qalasyn TOP-50 týrıstik baǵyt qataryna engizgimiz keledi - Mamın

NUR-SULTAN. QazAqparat – Elordada Búkilálemdik týrıstik uıymynyń (UNWTO) qala týrızmine qatysty VIII jahandyq sammıti bastaldy, dep habarlaıdy QazAqparat tilshisi.

Jıynǵa álemniń 80 elinen 1400 qatysýshy jınaldy. Olardyń arasynda tanymal sáýletshiler, jýrnalıster jáne memlekettik, týrıstik uıymdardyń ókilderi bar.

«Búgingi sammıt – týrıstik ındýstrııany damytýdaǵy mańyzdy platforma. Qazirgi ýaqytta týrızm jahandyq jalpy ishki ónimniń 10%, jumys oryndarynyń 10% jáne barlyq ındýstrııanyń 5% quraıdy. Jahandyq naryqta týrızm ındýstrııasy qarqyndy damyp keledi. Sońǵy 10 jylda týrıster sany artty. Bul, týrızmdi nasıhattap otyrǵan memleketterdiń ekonomıkasy úshin mańyzdy. Sońǵy ýaqytta atalmysh sala qalalardyń turaqty damýyna kómekteskenin kórip otyrmyz. Bizdiń de áleýetti arttyra túsý týraly maqsatymyz bar. Elimizde jáne qalalarymyzda týrızmdi damytý úshin halyqaralyq uıymdar men halyqaralyq kompanııalardy tartqymyz keledi», - dedi QR Premer-Mınıstri Asqar Mamın samıttiń ashylýynda.


QR Premeri Qazaqstan Úkimeti 2019-2025 jyldarǵa arnalǵan Týrızmdi damytý baǵdarlamasyn ázirlegenin eske saldy.

«Baǵdarlamaǵa sáıkes, JІÓ-degi týrızm úlesin arttyrǵymyz keledi. Onyń ekonomıka damýyna eleýli úles qosqanyn qalaımyz. Týrızmdi damytý úshin memlekettik sektordan da, jeke sektordan da qarjylandyrý qajet. Alaıda, bul salada úlken básekelestik bar ekenin de túsinemiz. Nur-Sultan qalasynyń eń úzdik 50 tartymdy týrıstik baǵyttyń qataryna enýin qalaımyz. Oǵan túrli kedergilerdiń bar ekenin bilemiz. Osyǵan baılanysty, Nur-Sultan qalasyn týrızmdi damytýdaǵy negizgi qala retinde bekitkimiz keledi», - dedi Premer-Mınıstr.


Onyń aıtýynsha, elordada qurylysqa salynǵan ınvestıtsııa kólemi artyp, 3,3 trln teńgege nemese 50 mlrd dollarǵa jetken.

«Sonymen birge, biz qala damýy úshin zańnamalyq bazany damytamyz. Nur-Sultan «aqyldy tehnologııalardy» damytýdaǵy basty kúshke aınalyp keledi. Elorda álemniń eń negizgi 10 qalasy retinde damyp keledi dep aıtýǵa bolady», - dep atap ótti A. Mamın.

Aıta keteıik, qala týrızmi jónindegi UNWTO VIII jahandyq sammıtinde «aqyldy qalalardy» damytý arqyly qalanyń ózekti máselelerin sheshý, qalany basqarý, turaqty damý, ınnovatsııalar men tehnologııalar taqyryptary talqylanady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT