+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Nur-Sultan áýejaıynda jáne vokzalynda vaktsınatsııa pýnktileri ashyldy

2021 jylǵy 27 qyrkúıek 23:15
Bólisińiz:
Nur-Sultan áýejaıynda jáne vokzalynda vaktsınatsııa pýnktileri ashyldy

NUR-SULTAN. QazAqparat - Elordada taǵy eki vaktsınatsııa aımaǵy ashyldy. Azamattardy KVI-ǵa qarsy vaktsınatsııamen qamtý maqsatynda egý pýnkteri «Nurly jol» temirjol vokzalynda (jańa vokzal) jáne Nursultan Nazarbaev halyqaralyq áýejaıynda uıymdastyryldy, dep habarlaıdy QazAqparat ákimdiktiń saıtyna silteme jasap.

Uqsas jańalyqtar
Koronavırýs: AQSh-ta vaktsınatsııadan ótpegen áskerı qyzmetshiler jumystan shyǵarylady Italııada kovıd-sertıfıkaty joq turǵyndar jumysqa jiberilmeıdi ShQO halqynyń 80 paıyzy koronavırýsqa qarsy vaktsına saldyrdy

Osy tarmaqtarda birinshi jáne ekinshi komponentti ekpeni alýǵa bolady. Vaktsınanyń qolda bar dozalaryn saldyrýǵa múmkindik bar.

Búgingi tańda elordada ekpeniń 3 túri bar: reseılik «Spýtnık V», otandyq QazVac vaktsınasy jáne qytaılyq Sinopharm VeroCell preparaty.

«Jalpy, qalada birinshi komponentpen tıisti kontıngenttiń 66%-dan astamy qamtylǵan. Osy jumysty jaqsartý jáne halyqty kóbirek qamtý maqsatynda biz vaktsınatsııa pýnkterin taǵy eki uıymda – kóptegen azamattar jınalatyn jerlerde ornalastyramyz», - dep atap ótti basqarmadan.

«Nurly jol» vokzalyndaǵy vaktsınatsııa aımaǵy 4-qabatta, áýejaıda 1-qabatta halyqaralyq jáne ishki termınal arasyndaǵy ótkelde ornalasqan.

Jumys kestesi - kún saıyn saǵat 10:00-den 20: 00-ge deıin.

«Koronavırýsqa qarsy ekpe alýda halyqqa qolaıly bolý úshin barlyq sharalar qabyldandy. Azamattar ekpeniń kómegimen ǵana pandemııany jeńe alatynymyzdy este saqtasa eken deımin. Biz ınfektsııany jeńýge jaqyndap qaldyq deýge bolady, biraq vırýs áli de bar. Barlyǵy ózimizdiń qolymyzda– vaktsınatsııaǵa sanaly qarym-qatynas tanytý, koronavırýs aýrýyn taratpaý azamattyq mindetimiz», - dep atap ótti vedomstvoda.

Qazirgi ýaqytta qala boıynsha saýda oıyn-saýyq ortalyqtary jáne saýda úıleri janynda 5 vaktsınatsııa pýnkti ornalasqan: «Kerýen», «Han Shatyr», «Azııa Park», «Abý Dabı Plaza» saýda oıyn-saýyq ortalyqtary jáne «Evrazııa» saýda ortalyǵy.

Vaktsınatsııa pýnkteri medıtsınalyq mekemelerde de ornalasqan.

Barlyǵy 84 vaktsınatsııa pýnkti, sondaı-aq eńbek ujymdaryn vaktsınatsııalaý úshin kóshpeli brıgadalar jumysyn jalǵastyrýda.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT