+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

«Nur Otan» praımerız ótkizý máselesi boıynsha jedel jelini iske qosty

2020 jylǵy 10 maýsym 10:36
Bólisińiz:
«Nur Otan» praımerız ótkizý máselesi boıynsha jedel jelini iske qosty

NUR-SULTAN. QazAqparat - «Nur Otan» áleýmettik jelilerdegi resmı paraqshalarynda praımerız ótkizý máselesi boıynsha arnaıy jedel jeliniń iske qosylatynyn jarııalady, dep habarlaıdy QazAqparat tilshisi partııanyń baspasóz qyzmetine silteme jasap.

Uqsas jańalyqtar

Naqtyraq aıtqanda úmitkerler 8 800 080 44 41 tegin nómirine habarlasyp, partııaishilik irikteýge qatysý úshin ótinimdi qalaı beretinin, onlaın-oqýǵa qatysý múmkindigi jáne praımerızge qatysty ózderin tolǵandyrǵan basqa da suraqtarǵa jaýap alady.

«Onlaın-konsýltatsııany komek@nurotan.kz elektrondy poshtasy, 8 700 800 44 41 WhatsApp-nómeri, sondaı-aq Facebook (Halyqqa Kómek) jáne Instargam (halykkakomek) jelileri arqyly da alýǵa bolady», - delingen habarlamada.

Aıta keteıik, ótken aptada «Nur Otan» partııasynyń tóraǵasy Nursultan Nazarbaev 2020 jyldyń 17 tamyzy men 3 qazany aralyǵynda praımerız ótkizý týraly qaýlyǵa qol qoıǵan bolatyn.

Partııa tóraǵasynyń birinshi orynbasary Baýyrjan Baıbek atap kórsetkendeı, praımerızdiń negizgi maqsaty – aldaǵy Májilis pen barlyq deńgeıdegi máslıhattar saılaýlaryna partııalyq tizimderdi qalyptastyrý úshin básekeles kúres negizinde jańa kóshbasshylardy aıqyndaý. Partııa saıtynda jarııalanǵan partııaishilik irikteý ótkizý erejesine sáıkes, praımerız ótkizý arqyly «Myqty lıderler - Myqty partııa» qaǵıdaty boıynsha shynaıy jáne myqty kóshbasshylardy partııa qataryna tartý, belsendi jáne bastamashyl azamattar úshin «áleýmettik lıft» qurý, eldi damytý máselelerin talqylaýǵa kópshilikti jumyldyrý, aımaqtardaǵy júıeli jumys úshin ózekti máselelerdi anyqtaý, sondaı-aq, kandıdattardyń jeke jaýapkershiligin arttyrý kózdeledi.

Óz kezeginde Saıası menedjment mektebi praımerızge qatysýshylarǵa arnalǵan «Praımerız. Jarııa saıasat. Depýtattyń beınesi qandaı bolýy kerek?» dep atalatyn oqý baǵdarlamasynyń bastalatynyn jarııalady.

Semınarlarda belgili saıasattanýshylar, memlekettik jáne qoǵamdyq qaıratkerler, psıhologtar spıker retinde sóz sóıleıdi. Olardyń ishinde Ermuhamet Ertisbaev, Aıdos Sarym, Rasýl Jumaly, Andreı Chebotarev, Saıasat Nurbek jáne basqalar bar.

Oqytý baǵdarlamasy onlaın rejımde ótetin tórt modýlden turatyny aıtyldy.

Olar: partııaishilik irikteý-praımerızin iske asyrý mehanızmi, praımerızdi ótkizýdiń halyqaralyq tájirıbesi, depýtattyń bıliktegi róli men orny, depýtattyń beınesi, ımıdj jáne minez-qulyqtyń tıimdi úlgisin qalyptastyrý, saıası sheshendik.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT