«Nur Otan» partııasynyń jarǵysyna ózgeris engizildi
2022 jylǵy 28 qańtar 18:08

«Nur Otan» partııasynyń jarǵysyna ózgeris engizildi

NUR-SULTAN. QazAqparat – «Nur Otan» partııasynyń kezekten tys HHІ sezinde partııa jarǵysyna ózgerister engizildi, dep habarlaıdy QazAqparat partııanyń baspasóz qyzmetine silteme jasap.

Osy ýaqytqa deıin partııalyq jarna jalaqynyń eń tómengi mólsherimen baılanystyrylyp, eń tómengi jalaqynyń 0,7%-in nemese jylyna 3570 teńgeni quraǵany belgili.

Memleket basshysynyń sheshimine sáıkes, osy jyldyń qańtarynan bastap barlyq memlekettik tólemderdi eń tómengi jalaqyǵa baılanystyrý alynyp tastaldy.

«Partııa jarǵysyna sáıkes, partııalyq jarnanyń mólsherin bekitý sezdiń aıryqsha quzyretine jatatyndyqtan, búgin delegattar partııalyq jarnany aılyq eseptik kórsetkishke baılanystyryp esepteý týraly sheshim qabyldady. Bul aılyq eseptik kórsetkishtiń 0,1-in, ıaǵnı jylyna 3676 teńgeni quraıdy», - dep jazylǵan partııa habarlamasynda.

Sezdiń 389 delegatynyń barlyǵy jarǵyǵa ózgerister engizýge daýys berdi.


Jańalyqtar

MURAǴAT