+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Nur Otan partııasynyń jaqtastar lıgasyna óńirdegi belsendi azamattar qosylýy kerek - Qazbek Maıgeldınov

2020 jylǵy 26 tamyz 15:24
Bólisińiz:
Nur Otan partııasynyń jaqtastar lıgasyna óńirdegi belsendi azamattar qosylýy kerek - Qazbek Maıgeldınov

NUR-SULTAN. QazAqparat – Saıasattanýshy Qazbek Maıgeldınov Nur Otan partııasy jaqtastarynyń lıgasy jóninde pikir bildirdi, dep habarlaıdy QazAqparat.

Uqsas jańalyqtar

«Nur Otan partııasy jaqtastary lıgasynyń eń basty maqsaty – aýyl, aýdan, oblys ortalyqtarynda jáne qalalarda praımerızdiń ádil, ashyq ótýin qadaǵalaý, ıaǵnı baqylaýshy bolyp, praımerızdiń ótýine atsalysý. Sonymen birge, qazirgi ýaqytta óńirlerde jergilikti máselelerdi jaqsy biletin, máselelerdiń sheshilýine tikeleı atsalysyp júrgen belsendi azamattar osy lıga baqylaýshysy retinde qosylyp jatyr», - dep atap ótti sarapshy QazAqparat tilshisine bergen suhbatynda.

Sonymen birge, Q. Maıgeldınov partııa jaqtastary lıgasynyń qazirgi jumysyna toqtaldy.

«Aldaǵy eki kúnde lıga baqylaýshylary óńirlerdi aralaıtyn bolady. Eń alǵashqy sapar Soltústik Qazaqstan oblysy, Qostanaı oblysynda bastalyp, odan keıin – Shyǵys Qazaqstan, Ońtústik Qazaqstan, Almaty oblystarynda jalǵasady. Onda tirkeýdiń qalaı júretinin, tirkeý úrdisinde qabyldaý-qabyldamaý máseleleri qalaı qarastyrylyp jatqanyn tekseredi. Praımerızdiń negizgi erejesi partııa men bıýro tarapynan da ashyq aıtylǵan, ıaǵnı kez kelgen azamat aýdandyq, oblystyq, Májilis deńgeıine deıin belgiler qoıýǵa quqyly. Keıinirek saty boıynsha aýdandyq, oblystyq debattan jeńip, ári qaraı daýys jınaıtyn bolsa, kez kelgen azamat Májilis deńgeıine deıin bara alady. Biraq jergilikti deńgeıde keıbir úmitkerlerge tosqaýyldar bolǵany anyqtalyp jatyr. Osyndaı máselelerdi, olqylyqtardy anyqtaý úshin Lıga jaqtastary óńirlerge barady. Tirkeý aıaqtalǵan soń, úgit-nasıhat úrdisi bastalady», - dep túsindirdi saıasattanýshy.

Spıker qazirgi tańda eń basty másele – óńirlerdegi ákimdikter ekenin aıtty.

«Ózderińiz bilesizder, aýdandyq máslıhattarda jyldar boıy otyrǵan óz depýtattary bar, kásipkerler, iri sharýa qojalyqtarynyń basshylary bar. Bul tulǵalar álbette aldaǵy saılaýda óz oryndaryn saqtap qalýǵa múddeli bolady. Jáne ákimdik tarapynan osy saılaýǵa aralasý faktileri de bolýy múmkin. Praımerızge qatysýǵa tilek bildirgen kóptegen azamattar osyndaı túıtkildi máselelerdi aıtýda. Osy úrdisterdiń aldyn alý úshin jáne praımerızdiń ashyq ádil ótýine atsalysý úshin jaqtastar lıgasynyń baqylaýshylary óńirlerge barady. Áli de erikti azamattar partııanyń jaqtastar lıgasynyń baqylaýshysy bolýǵa jazylsa, quba-qup bolar edi. Óıtkeni, óńir tynysyn jaqsy biletin, jergilikti máselelerdi jiti qadaǵalap otyrǵan belsendiler barshylyq. Olar máselelerdi ishki jaǵynan jaqsy bilgendikten, osy azamattardyń atsalysqany durys bolady. Olarǵa halyq tarapynan senim de bolady», - dep túıindedi sózin Q. Maıgeldınov.


Foto: strategy2050.kz
Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT