+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

«Nur Otan» partııasynyń saılaýaldy baǵdarlamasy: Mınıstrler men ákimder esep berdi

2021 jylǵy 6 tamyz 18:34
Bólisińiz:
«Nur Otan» partııasynyń saılaýaldy baǵdarlamasy: Mınıstrler men ákimder esep berdi

NUR-SULTAN. QazAqparat - QR Premer-Mınıstri Asqar Mamın «Nur Otan» partııasynyń saılaýaldy baǵdarlamasynyń Jol kartasyn iske asyrý jónindegi shtab otyrysyn ótkizdi. QazAqparat bul týraly primeminister.kz saıtyna silteme jasap habarlaıdy.

Uqsas jańalyqtar
Vıtse-premer Roman Sklıar jumys saparymen Seýlde júr


Shtab otyrysynda qazaqstandyq taýarlar men qyzmetterdiń shıkizattyq emes eksportynyń kólemin arttyrý, mádenıet obektileri men mektepter salý máseleleri qaraldy.

Saýda jáne ıntegratsııa mınıstriniń mindetin atqarýshy Qaırat Tórebaev, Indýstrııa jáne ınfraqurylymdyq damý mınıstriniń mindetin atqarýshy Qaıyrbek Óskenbaev, Aýyl sharýashylyǵy mınıstriniń mindetin atqarýshy Erbol Qarashókeev, Ulttyq ekonomıka mınıstriniń mindetin atqarýshy Tımýr Jaqsylyqov «Nur Otan» partııasynyń saılaýaldy baǵdarlamasynda alǵa qoıylǵan kórsetiletin qyzmetter men taýarlardyń shıkizattyq emes eksportynyń kólemin 2025 jylǵa qaraı 41 mlrd dollarǵa deıin 2 esege arttyrý jónindegi mindetti iske asyrý barysy týraly baıandady. Bıyl osy kórsetkishtiń 29,2 mlrd dollarǵa deıin ósýin qamtamasyz etý kózdelgen.

Osy jyldyń 5 aıynyń qorytyndysy boıynsha Qazaqstannyń syrtqy taýar aınalymy ótken jyldyń sáıkes kezeńimen salystyrǵanda 1% artyp, 36,4 mlrd dollardy qurady. Bul rette shıkizattyq emes taýarlar eksportynyń kólemi 23,4% ósip, 7,2 mlrd dollardy qurady. Eń joǵary ósim metallýrgııada 27,5%, qurylys ındýstrııasynda 25,8% farmatsevtıka salasynda 18,4%, hımııa ónerkásibinde 4,6% deńgeıinde baıqalady.

AÓK óńdelgen óniminiń eksporty ótken jyldyń sáıkes kezeńimen salystyrǵanda 10,8% ósip, 545,8 mln dollar nemese AÓK eksportynyń jalpy kóleminiń 33% qurady. Eksport qurylymynda un men makaron ónimderi, ósimdik maılary, maqta talshyǵy, et jáne sút ónimderi, kondıterlik ónimder sekildi taýarlar basym.

Shıkizattyq emes taýarlar men kórsetiletin qyzmetterdiń eksportyn arttyrý maqsatynda eksporttaýshylardy memlekettik qoldaý sharalary – jeńildikpen nesıe berý jáne saqtandyrý, eksporttaýshylar shyǵyndarynyń bir bóligin óteý, eksporttyq akseleratsııa, elektrondyq platformalarǵa shyǵarý jáne t. b. iske asyrylyp jatyr.

Úkimet basshysy ındýstrııa jáne ınfraqurylymdyq damý, aýyl sharýashylyǵy mınıstrlikterine ishki naryqty jáne eksporttyq áleýetti damytýdy qamtamasyz etýge múmkindik beretin óńdeý ónerkásibi ónimderi óndirisiniń jetkilikti kólemin qamtamasyz etýdi tapsyrdy.

Syrtqy ister, saýda jáne ıntegratsııa mınıstrlikterine salalyq memlekettik organdarmen eldik eksporttyq baǵdarlamalardyń jobalaryn kelisý jáne otandyq ónimderdi syrtqy naryqtarda ilgeriletý boıynsha belsendi jumystardy bastaý tapsyryldy.

Eńbek jáne halyqty áleýmettik qorǵaý mınıstri Serik Shápkenov, Mádenıet jáne sport mınıstriniń mindetin atqarýshy Nurǵısa Dáýeshov, Ulttyq ekonomıka mınıstriniń mindetin atqarýshy Tımýr Jaqsylyqov, Túrkistan oblysynyń ákimi Ómirzaq Shókeev, Shymkent qalasynyń ákimi Murat Áıtenov, Jambyl oblysy ákiminiń orynbasary Talǵat Mamaev «Nur Otan» partııasynyń saılaýaldy baǵdarlamasynda alǵa qoıylǵan 2025 jylǵa deıin 259 mádenıet nysanyn salý boıynsha mindetterdiń iske asyrylý barysy týraly baıandady.

Jumystardy qarjylandyrý «Jumyspen qamtý jol kartasy», «Aýyl – el besigi», «Bıznestiń jol kartasy» baǵdarlamalary, jergilikti bıýdjet, memlekettik-jekeshelik áriptestik jáne basqa da kózder esebinen júzege asyrylady.

Bıyl elimizde 89 mádenıet nysanynyń qurylysy josparlanýda, onyń ishinde 12 – Túrkistan oblysynda, 10 – Jambyl oblysynda, 9 – Almaty oblysynda, 7 – Shyǵys Qazaqstan jáne Soltústik Qazaqstan oblystarynda, 6-dan – Aqtóbe jáne Qyzylorda oblystarynda, 5-den – Aqmola, Qaraǵandy jáne Pavlodar oblystarynda, 4-den – Batys Qazaqstan jáne Mańǵystaý oblystarynda, 3-den – Atyraý jáne Qostanaı oblystarynda, 2 – Almaty qalasynda, 1 – Nur-Sultan qalasynda.


Bilim jáne ǵylym mınıstri Ashat Aımaǵambetov «Nur Otan» partııasynyń saılaýaldy baǵdarlamasyn iske asyrý aıasynda 2021-2025 jyldar aralyǵynda elimizde 800 jańa mektep paıdalanýǵa beriletinin aıtty.

Bıyl 200 mektep salý josparlanýda, onyń ishinde nysanaly qurylys esebinen – 163 mektep, MJÁ tetigi esebinen – 6 mektep, jekemenshik mektepter jelisin damytý esebinen 31 mektep paıdalanýǵa beriledi. Bıyl 200 mekteptiń ashylýy apatty mektepterdiń, úsh aýysymdy mektepterdiń problemasyn basym tártippen sheshýge jáne oqýshy oryndarynyń tapshylyǵyn qysqartýǵa múmkindik beredi.

Mektepter qurylysynyń kestesin iske asyrý boıynsha jumystardyń barysy týraly Nur-Cultan qalasynyń ákimi Altaı Kólginov, Almaty oblysynyń ákimi Amandyq Batalov, Túrkistan oblysynyń ákimi Ómirzaq Shókeev tyńdaldy.

Premer-Mınıstr «Nur Otan» partııasynyń saılaýaldy baǵdarlamasynyń Jol kartasyn iske asyrý máseleleri Úkimettiń erekshe baqylaýynda ekenin atap ótti. «Nur Otan» partııasynyń saılaýaldy baǵdarlamasyn iske asyrý boıynsha barlyq ortalyq memlekettik jáne jergilikti atqarýshy organdardyń belsendi ári júıeli jumysy qajet», — dedi A. Mamın.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT