«Nur Otan» partııasynyń Qoǵamdyq saıasat ınstıtýtynyń dırektory taǵaıyndaldy

NUR-SULTAN. QazAqparat - «Nur Otan» partııasynyń Qoǵamdyq saıasat ınstıtýtynyń dırektory bolyp Mádına Nurǵalıeva taǵaıyndaldy, dep habarlaıdy QazAqparat.

Uqsas jańalyqtar

Qazaqstanda apta ishinde bolǵan taǵaıyndaýlar

Aqtóbe oblysy: Alǵa aýdanyna jańa ákim taǵaıyndaldy Mádı Manatbekuly Shymkent qalasy ishki saıasat basqarmasyn basqarady Memleket basshysy Qazaqstannyń Italııa  men Malaızııadaǵy elshilerin taǵaıyndady

Partııa Tóraǵasynyń birinshi orynbasary Baýyrjan Baıbek jańa basshylyq aldyna birqatar mańyzdy mindetter qoıdy. Sonyń ishinde áleýmettik-saıası kún tártibine sáıkes áleýmettik zertteýler júrgizýge qatysty naqty tapsyrmalar berdi.

Onyń aıtýynsha, naqty toptarǵa baǵyttalǵan jekelegen jáne sapaly zertteýler júrgizý qajet. Olar partııanyń Saılaýaldy baǵdarlamasyn iske asyrý boıynsha jumystyń qanshalyqty sapaly júrgizilip jatqanyn, ındıkatorlar men kórsetkishterge qanshalyqty qol jetkizilgenin, jergilikti jerlerdegi halyq saılaýaldy baǵdarlamalardy iske asyrýdyń paıdasyn kórip jatyr ma degen sııaqty jáne t. b. naqty suraqtarǵa jaýap berýi tıis.

Mádına Nurǵalıeva ár jyldary Bilim mınıstrligi Ǵylym komıtetiniń Fılosofııa jáne saıasattaný ınstıtýtynda ǵylymı qyzmetker, Saıası sheshimder ınstıtýtynda saraptamalyq-qoldanbaly bólimniń basshysy, áleýmettik-saıası zertteýler bóliminiń meńgerýshisi, bas ǵylymı qyzmetker, Qazaqstan Respýblıkasy Prezıdenti janyndaǵy Qazaqstan strategııalyq zertteýler ınstıtýtynda dırektordyń orynbasary bolyp jumys istedi.

Osy taǵaıyndaýǵa deıin ol QSZI Áleýmettik zertteýler bóliminiń basshysy bolǵan.

Saıası ǵylymdar kandıdaty. 2003 jyly Ál-Farabı atyndaǵy Qazaq ulttyq ýnıversıtetin «Saıasattaný» mamandyǵy boıynsha, 2008 jyly Bilim mınıstrligi Ǵylym komıtetiniń Fılosofııa jáne saıasattaný ınstıtýtynyń aspırantýrasyn bitirgen.

Buǵan deıin osy qyzmetti atqarǵan ıÝlııa Kýchınskaıa Qazaqstan Respýblıkasy Parlamentiniń Májilisindegi «Nur Otan» fraktsııasynyń depýtaty boldy.