+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

«Nur Otan» partııasy Nur-Sultan qalalyq fılıalynyń tóraǵasy saılandy

2019 jylǵy 21 maýsym 15:58
Bólisińiz:
«Nur Otan» partııasy Nur-Sultan qalalyq fılıalynyń tóraǵasy saılandy

NUR-SULTAN. QazAqparat - Búgin «Nur Otan» partııasynyń Nur-Sultan qalalyq fılıalynyń kezekten tys HHH konferentsııasy ótti. Kún tártibine qoıylǵan birinshi másele boıynsha «Nur Otan» partııasy tóraǵasynyń birinshi orynbasary Máýlen Áshimbaev Memleket basshysynyń jarlyǵymen taıaýda elorda ákimi bolyp taǵaıyndalǵan Altaı Kólginov týraly qysqasha málimet berip, onyń kandıdatýrasyn elordalyq fılıaldyń tóraǵasy retinde usyndy, dep habarlaıdy QazAqparat Elorda Info saıtyna silteme jasap.

«Altaı Seıdiruly «Bolashaq» baǵdarlamasynyń túlegi. Buǵan deıin Batys Qazaqstan oblysynyń ákimi retinde óńirdiń ósip-órkendeýine úlken úles qosty. Prezıdent Ákimshiliginde de jaýapty qyzmetter atqaryp, sheber uıymdastyrýshylyq qabiletimen tanylǵan. Sondyqtan jańa qyzmette te bıikten kórinetinine kámil senemiz jáne tabys tileımiz», - dedi M.Áshimbaev.

Konferentsııaǵa qatysqan 80 delegat atalmysh usynysqa biraýyzdan qoldaý bildirdi.

Óz kezeginde Altaı Kólginov áriptesterine senim bildirgeni úshin rızashylyǵyn bildirip, elordalyq fılıaldyń aldynda turǵan maqsattar jóninde aıtty.

Ol «Nur Otan» partııasynyń HVIII sezinde Elbasynyń tapsyrmasymen aıqyndalǵan «Ál-aýqat qoǵamy: onjyldyqtyń 10 maqsaty» baǵdarlamasy aıasynda júzege asyrylyp jatqan «Halyqqa kómek», «Baqytty otbasy» jobalary boıynsha elorda aýmaǵynda qolǵa alynǵan jumystarǵa toqtalyp, osy baǵyttaǵy jumystardy birlesip júrgizý qajettiligin basa aıtty.

Konferentsııa barysynda qalanyń basqa da belsendi azamattary sóz sóılep, kún tártibindegi máseleler boıynsha óz oılaryn ortaǵa salyp, pikir bólisti.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT