Nur Otan-nyń saılaýaldy baǵdarlamasy: 45 trln teńgeniń 3 myń jobasy irikteldi
2021 jylǵy 24 qarasha 15:50

Nur Otan-nyń saılaýaldy baǵdarlamasy: 45 trln teńgeniń 3 myń jobasy irikteldi

NUR-SULTAN. QazAqparat – «Nur Otan» partııasy Saıası keńesiniń keshegi ótken keńeıtilgen otyrysynda Premer-Mınıstr Asqar Mamın partııanyń saılaýaldy baǵdarlamasyna engen sharalar el ekonomıkasyna qalaı áser etip jatqany týraly málimet berdi. QazAqparat oqyrman nazaryna sol baıandamadan eń negizgi degen ári tyń málimetterdi ekshep usynady.

Partııa músheleriniń aldynda Qazaqstan ekonomıkasynyń qazirgi ahýaly týraly baıandama jasaǵan Úkimet basshysy elimiz pandemııa saldaryna qaramastan ornyqty damý jolyna túskenin atady. Jyldyń úshinshi toqsanyndaǵy kórsetkishterge súıengen jetekshi halyqaralyq kredıt agenttikteri Qazaqstannyń ınvestıtsııalyq turǵyda tartymdylyǵy pandemııaǵa deıingi deńgeıge qaıta shyqqanyn rastap otyr.

«10 aıdyń qorytyndysy boıynsha ınvestıtsııalardyń ósýi 14 paıyzdy qurady. Jyldyń birinshi jartyjyldyǵynda 11,1 mlrd dollar tikeleı sheteldik ınvestıtsııa tartyldy. Bul byltyrǵy jyldyń osyndaı kezeńine qaraǵanda 30,4 paıyz joǵary. Halyqaralyq qarjylyq jáne reıtıngtik uıymdar Qazaqstan ekonomıkasyn ornyqty dep tanydy. Jyldyń úshinshi toqsanynda halyqaralyq jetekshi kredıttik agenttikter Qazaqstannyń pandemııaǵa deıingi egemen reıtıngin rastady», - dedi Asqar Mamın.

45 trln teńgeniń 3 myńnan astam jobasy

Premer-Mınıstrdiń aıtýynsha, Parlamenttegi partııa fraktsııasy men ortalyq apparat saılaýaldy baǵdarlamany iske asyrýdyń jol kartasy aıasynda 362 is-sharanyń 136-synyń oryndalýyna muryndyq bolǵan. Onyń ishinde 34 is-shara tolyǵymen oryndalsa, 226 is-shara oryndalyp jatyr.

«Saılaýaldy baǵdarlamanyń «Ekonomıkanyń jáne óńirlerdiń ornyqty damýy» atty baǵyty boıynsha básekege qabiletti kásipkerler tobyn qalyptastyrýǵa, halyqty jumyspen qamtýǵa jáne tabysyn arttyrýǵa, qalalar men aýyldardy damytýǵa baǵyttalǵan 40 is-shara oryndaldy.

Nysanaly ınvestıtsııa tartý sheńberinde 45 trln teńgeniń 3 myńnan astam jobasyn iriktedik», - dedi Úkimet basshysy.

Keıingi jyldary jer emip, mal baqqan halyqtyń ónimin barynsha «tıimdi paıdaǵa jaratý úshin forvardtyq satyp alý» tetigi keńinen qoldanysqa ene bastady. Bul tetiktiń tıimdi ekenin Memleket basshysy Qasym-Jomart Toqaev ta únemi aıtyp júr. Asqar Mamınniń málimeti boıynsha, aýyl sharýashylyǵy taýaryn óndirýshilerdi forvardtyq satyp alý tetigi arqyly qoldaý úshin 770 myń tonna ónim boıynsha kelisimshart jasalǵan.

Investıtsııa tartý isine «Astana» halyqaralyq qarjy ortalyǵy da óz úlesin qosa bastady. Eń bastysy, bul ortalyq arqyly kelgen ınvestıtsııa shıkizat óndirisine emes, ekonomıkanyq ınnovatsııalyq sektoryna serpin beredi. Jyl basynan beri «Astana» halyqaralyq qarjy ortalyǵynda 66 jańa sheteldik kompanııa tirkelip, 1,2 mlrd dollar ınvestıtsııa tartqan.

«30 jylda 400 mlrd dollar ınvestıtsııa tartyldy»

«Tsıfrlyq ekonomıkany damytý sheńberinde Aqparattyq qaýipsizdik, onlaın bilim berý, spýtnıktik monıtorıngtik júıeler, strımıng jáne basqa da salalarda 262 jańa IT-kompanııa quryldy», - dedi Premer-Mınıstr.

Asqar Mamın «Nur Otan» partııasynyń bul tarıhı jıyny Táýelsizdiktiń 30 jyldyǵy qarsańynda ótip otyrǵanyn eske sala kelip, osy ýaqy aralyǵynda oryn alǵan eń súbeli oqıǵalardy tizip shyqty.

Táýelsizdik jyldary eldi damytýǵa arnalǵan reformalardyń qalaı iske asqanyn eske túsirgen Asqar Mamın búgingi beleske Qazaqstan qandaı kórsetkishtermen jetip otyrǵanyn atady. Olar:

- 30 jylda jalpy ishki ónim 17 ese ósip, syrtqy saýda aınalym kólemi 100 mlrd dollarǵa jetken.

- Eldiń halyqaralyq rezervteri 90,9 mlrd dollarǵa deıin ósti.

- Ekonomıkaǵa 400 mlrd dollarǵa jýyq tikeleı sheteldik ınvestıtsııa tartyldy.

- Qazaqstan TMD elderi arasynda jan basyna shaqqanda sheteldik ınvestıtsııalardy tartý boıynsha birinshi orynda.

- Óńdeý ónerkásibin damytý aıasynda 500-den astam jańa ónim túrin shyǵarý jolǵa qoıyldy.

- Ortalyq Azııa aımaǵynyń ekonomıkalyq kóshbasshysy retinde qalyptasty.


Seriktester jańalyqtary

Jańalyqtar

Úrdis

MURAǴAT