Nur Otan-nyń 238 qoǵamdyq qabyldaý bólmesiniń jumysy kórinbeıdi – Prezıdent
2022 jylǵy 28 qańtar 16:14

Nur Otan-nyń 238 qoǵamdyq qabyldaý bólmesiniń jumysy kórinbeıdi – Prezıdent

NUR-SULTAN. QazAqparat – El Prezıdenti Qasym-Jomart Toqaev qoǵamdyq qabyldaýlar qyzmetin jandandyrýdy tapsyrdy, dep habarlaıdy QazAqparat.

«Qoǵamdyq qabyldaýlardyń qyzmetin jandandyrý qajet. Partııanyń búkil el boıynsha 238 qoǵamdyq qabyldaý bólmesi bar, biraq olardyń jumysy onsha kórinbeıdi. Sonymen birge, azamattardyń barlyq ótinishterin baqylaýǵa alyp, qatań qadaǵalap otyrý mańyzdy», - dedi Memleket basshysy Nur Otan partııasynyń kezekten tys XXI sezinde.

Prezıdenttiń aıtýynsha, laýazymdy adamdar tarapynan ádiletsizdik nemese nemquraıly qaraý baıqalsa, olardy partııalyq jaýapkershilikke tartý kerek. Bolary bolyp, boıaýy sińgesin áreket etpeı, aldyn ala jumys isteý qajet.

«Jumystyń edáýir bóligin proaktıvti formatqa kóshirýge bolady, ıaǵnı ótinimderdi taldap, aldyn ala júıeli problemalardy anyqtap, olar jóninde partııa basshylyǵyna nemese Úkimetke dabyl qaǵýǵa bolady», - dedi Q. Toqaev.


Jańalyqtar

MURAǴAT