Nur Otan músheleri memleket múddesin bárinen bıik qoıýǵa tıis – Qasym-Jomart Toqaev
2022 jylǵy 28 qańtar 16:30

Nur Otan músheleri memleket múddesin bárinen bıik qoıýǵa tıis – Qasym-Jomart Toqaev

NUR-SULTAN. QazAqparat – «Nur Otan» memleketshilder partııasy bolýy kerek. Bul týraly «Nur Otan» partııasynyń kezekten tys HHІ sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Saıasatta el múddesine berik bolý aıryqsha mańyzdy. Men Prezıdent qyzmetinde jáne partııa jumysynda dál osy qaǵıdany ustanamyn. Biz egemendiktiń tórtinshi onjyldyǵyna qadam bastyq. Aldymyzda jańa mindetter tur. Birligimiz bekem bolsa, onyń bárin oryndaımyz», - dedi Memleket basshysy.

Osy oraıda Prezıdent eń bastysy, qoǵamǵa tynyshtyq pen turaqtylyq kerek ekenin atap ótti

«Nur Otan» – elimizdiń negizgi saıası kúshi. Sondyqtan Qazaqstannyń bolashaǵy úshin, eń aldymen, bizdiń partııamyz jaýapty. Árqaısymyz osy jaýapkershilikti tereń sezinip jumys isteýimiz qajet», - dedi Qasym-Jomart Toqaev.

«Shyn máninde, «Nur Otan» memleketshilder partııasy bolýy kerek. Uıym músheleri memleket múddesin bárinen bıik qoıýǵa tıis. Partııanyń barlyq bastamalary elimizdi órkendetýge, halqymyzdyń ál-aýqatyn arttyrýǵa arnalǵanyn umytpaıyq! Elimiz aman, jurtymyz tynysh bolsyn!», - dedi Memleket basshysy.

Aıta keteıik, partııa sezindegi Memleket basshysynyń sóılegen sózi QR Prezıdenti baspasóz qyzmetiniń Twitter -degi paraqshasynda jarııalanýda.



Avtor:
Tilshi

Jańalyqtar

MURAǴAT