+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Nur Otan elimizdiń soltústik óńirlerine arnap baǵdarlama ázirledi

2020 jylǵy 22 qyrkúıek 11:35
Bólisińiz:
Nur Otan elimizdiń soltústik óńirlerine arnap baǵdarlama ázirledi

NUR-SULTAN. QazAqparat – «Nur Otan» árbir óńir, qala jáne aýdan boıynsha taıaýdaǵy 5 jylǵa arnalǵan 216 saılaýaldy baǵdarlamasynyń jobalarymen jurtshylyqty tanystyrýdy jalǵastyrýda. Búgin basty nazarda – elimizdiń soltústik oblystary, dep habarlaıdy QazAqparat.

Partııanyń baspasóz qyzmeti jalpyrespýblıkalyq partııaishilik praımerızdiń qorytyndysy boıynsha úzdik ıdeıalar men sheshimderdi jınaqtaı otyryp, baǵdarlama jobalary kraýdsorsıng qaǵıdaty boıynsha pysyqtalatynyn málim etti.

Saılaýaldy baǵdarlamanyń negizgi baǵyttarynyń biri - Aqmola oblysy boıynsha aýyldardy qoldaý jáne jańa jumys oryndaryn ashý.

Óńirde taý-ken-gıdrometallýrgııalyq keshenin, tehnıkalyq almazdar kontsentratyn shyǵaratyn fabrıka, kún elektr stantsııasy men qoqysty qaıta óńdeý keshenin salý josparlanýda.

Aýyl turǵyndarynyń tabysyn arttyrý jáne azyq-túlik qaýipsizdigin qamtamasyz etý úshin, partııa 17 sút-taýar fermasyn qurý arqyly sút sharýashylyǵyn damytpaq. Sondaı-aq, 700 et fermasyn qurý arqyly et sharýashylyǵyn damytý mindetin de alǵa qoıyp otyr.

Sonymen qatar, 3,4 mln sharshy metr turǵyn úı, 11 mektep jáne 7 densaýlyq saqtaý nysanyn salý josparlanǵan. 556 aýyldy aýyz sýmen qamtamasyz etip, 7 aýdanda gaz tartý jelilerin salýǵa basymdyq berildi.

Jastar arasynda jumyssyzdyqty tómendetý úshin partııa jyl saıyn keminde 6,5 myń jasty jumysqa ornalastyrýǵa, Quzyretter ortalyqtarynyń ashylýyna yqpal etedi. 2 joǵary oqý orny men 4 kolledjdiń stýdentterine arnap 7 jataqhana salynady.

Saılaýaldy baǵdarlamaǵa sáıkes, Qostanaı oblysy boıynsha óńirde týrıstik salanyń áleýeti joǵary. Ony damytý úshin ınfraqurylymdy, qyzmet kórsetý deńgeıin jáne bilikti kadrlardy daıarlaýdy kúsheıtý josparlanýda.

Munymen qosa, partııa joldardyń sapasyn jaqsartýdy kózdeıdi. Barlyq sanattaǵy joldar men kóshelerdi qalpyna keltirýge jyl saıyn shamamen 17 mlrd teńge bólinbek. Ol 472 myń adam turatyn 118 eldi mekendi qamtıdy.

Ómirlik qıyn jaǵdaıǵa tap bolǵan otbasylarǵa taldaý jasaı otyryp, «Baqytty otbasy» jobasy aıasynda muqtaj kópbalaly jáne az qamtylǵan otbasylar kómirmen, otynmen, azyq-túlikpen jáne basqa da kómekpen qamtamasyz etiledi.

Sonymen qatar, «Nur Otan» partııasy men «Jas Otan» jastar qanaty jastarǵa jan-jaqty qoldaý kórsetedi. Qostanaı qalasynda 1750 oryndyq 4 stýdenttik jataqhana salý, baspana satyp alýǵa nesıe berý, birrettik kótermeleý járdemaqysyn berý arqyly «Dıplommen aýylǵa» baǵdarlamasy boıynsha 1500-den astam bilikti jas mamandardy áleýmettik qoldaý jáne t.b. kózdelip otyr.

Pavlodar oblysynda «Nur Otan» partııasy jeńildetilgen nesıe berýdi, kelisimsharttyq qarjylandyrý tetigin, aýyl sharýashylyǵy ónimderin qaıta óńdeýge qajetti jabdyqtar men tehnıka lızıngin keńeıtý arqyly sharýalarǵa barynsha qoldaý kórsetýge nıetti. Sondaı-aq, egis alqaptaryn 900 myń ga deıin keńeıtý, Pavlodar aýdanynyń Mıchýrıno aýylynda jáne Aqsý qalasynyń aýyldyq aımaǵynda kóterme-taratý ortalyqtaryn salý josparlanýda. Pavlodar qalasynda «alqaptan sórege deıin» shemasy boıynsha fermerlik ónimderdiń arnaıy bazaryn salynatyn bolady.

«Nur Otan» partııasy saılaýaldy baǵdarlamasy aıasynda Pavlodar oblysynda kezekte turǵan 9 myńnan astam adamdy turǵyn úımen qamtamasyz etilmek. 5 jańa mektep jáne jumys istep turǵan mektepterge 5 qosymsha qurylys salý josparlanǵan.

«Baqytty otbasy» jáne «Ardagerlerdi ardaqtaıyq» partııalyq jobalary aıasynda 2021 jyly áleýmettik qyzmetterdiń biryńǵaı portaly engiziledi. Ol erekshe qajettilikteri bar adamdarǵa onlaın rejımde kómekshi, ornyn toltyrýshy quraldar men áleýmettik qyzmetterdi alýǵa múmkindik beredi.

Soltústik Qazaqstan oblysynda «Nur Otan» partııasy kólik ınfraqurylymyn men turǵyn úı-kommýnaldyq keshendi jańǵyrtýǵa, sondaı-aq qolaıly ekologııalyq jaǵdaıdy saqtaýǵa baǵyttalǵan «Qutty meken» jáne «Aýyl-el besigi» jobalaryn iske asyrýǵa járdemdesetin bolady.

Aldaǵy 5 jylda partııa avtomobıl joldarynyń sapasyn kezeń-kezeńimen jaqsartýǵa qol jetkizilmek. Osylaısha, 2021 jyly 515 km avtojol, 2022 jyly 520 km avtojol jáne t.s.s. jóndeledi.

2025 jylǵa qaraı partııa óńirdegi aýyldyq eldi mekender turǵyndarynyń 92,8%-yn ortalyqtandyrylǵan sýmen jabdyqtaý qyzmetin jolǵa qoımaq. 115 myń halqy bar 142 aýylda sýmen jabdyqtaý nysandaryn salý jáne qaıta jóndeýden ótkizý jumystary júrgiziledi.

Sonymen qatar, óńir jastarynyń áleýetin damytý úshin partııalyqtar óz isin ashýǵa jáne bıznes júrgizýge jyl saıyn keminde 500 nesıe bólýge qol jetkizetin bolady.

Óńirlerdiń saılaýaldy baǵdarlamalarynyń jobasymen tolyǵyraq primaries.kz saıtynan tanysýǵa bolady.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT