+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

«Nur Otan» depýtattar qyzmetiniń reıtıngin qalyptastyrý erejesin bekitti

2021 jylǵy 9 maýsym 15:46
Bólisińiz:
«Nur Otan» depýtattar qyzmetiniń reıtıngin qalyptastyrý erejesin bekitti

NUR-SULTAN. QazAqparat - «Nur Otan» partııasy alǵash ret el kóleminde depýtattyq korpýsty keshendi baǵalaýdyń biryńǵaı júıesin engizdi. Bul týraly «Nur Otan» partııasy tóraǵasynyń birinshi orynbasary Baýyrjan Baıbek Facebook-tegi paraqshasynda jazdy.

Uqsas jańalyqtar

«Qurmetti dostar!

Ózderińizge málim, «Nur Otan» «Ózgerister joly: ár azamatqa laıyqty ómir!» saılaýaldy baǵdarlamalaryn oryndaý boıynsha 217 jol kartasyn iske asyrýǵa júıeli baqylaýdy jolǵa qoıǵan. Osylaısha, 5 aı ishinde 362 respýblıkalyq is-sharanyń 7%-i oryndaldy, al óńirlik 2,3 myń is-sharanyń 5%-i atqaryldy.

Elbasy, partııa Lıderi N.Á. Nazarbaev aıtqandaı, «Nur Otan» depýtattary jaýapkershilik, judyryqtaı jumylý jáne ortaq murat-maqsattarǵa adaldyq qaǵıdattaryn basshylyqqa ala otyryp, árbir óńirde, qala men aýdanda saılaýaldy mindettemelerdiń sapaly oryndalýyn qamtamasyz etýi tıis.

Bul jumysqa «Nur Otan»-nyń ár túrli deńgeıdegi 2,7 myńnan astam depýtaty jeke jaýap beredi.

Eske sala keteıin, Elbasy bastamashylyq etken «Senim. Dıalog. Bolashaqqa nyq qadam!» atty partııalyq «qaıta jandandyrý» baǵdarlamasyna sáıkes depýtattyq korpýs 65%-ke jańartyldy, áıelder men jastardyń úles sany barlyq óńirde tıisinshe 30% jáne 20%-ke jetti.

El Prezıdenti Q.K. Toqaevtyń «Halyq únine qulaq asatyn memleket» tujyrymdamasyna sáıkes partııa janynan depýtattardyń, úkimettik emes uıym ókilderiniń, belgili qoǵam qaıratkerleriniń, sarapshylar men jýrnalısterdiń qatysýymen 1,7 myń salalyq qoǵamdyq keńes quryldy. Bul bılik pen azamattyq qoǵam arasyndaǵy jan-jaqty dıalogty qamtamasyz etýge jol ashady.

Sonymen qatar qoǵamdyq baqylaýdyń tıimdiligin arttyrý jáne halyqpen «keri baılanysty» kúsheıtý úshin búkil el kóleminde partııanyń 234 qoǵamdyq qabyldaý bólmesiniń qyzmeti júıeli túrde jandandyryldy. Jyl basynan beri «Nur Otan»-ǵa 74,1 myń ótinish kelip tústi, onyń 43%-i oń sheshimin tapty, 53%-i boıynsha máseleni zań aıasynda sheshýge qatysty kásibı keńes berildi.

Elbasy atap ótkendeı, búginde qoǵam, ásirese jergilikti jerlerde depýtattardyń ashyqtyq, tıimdilik jáne jaýapkershilik deńgeıine erekshe talaptar qoıyp otyr.

Osyny eskere otyryp, «Nur Otan» alǵash ret el kóleminde depýtattyq korpýsty keshendi baǵalaýdyń biryńǵaı júıesin engizip otyr. Partııanyń Saıası keńesi Bıýrosynyń bıylǵy 2 maýsymdaǵy qaýlysymen depýtattar qyzmetiniń reıtıngin qalyptastyrý erejesi bekitildi.

Atalǵan erejeni ázirleý aıasynda halyqaralyq tájirıbe men depýtattardy baǵalaýdyń qoldanystaǵy tájirıbesin zerdeleý boıynsha aýqymdy jumystar atqaryldy. Sarapshylar men óńirlerdegi partııalyqtardyń pikirleri, sondaı-aq respýblıkalyq partııaishilik irikteý – praımerızdiń tabysty tájirıbeleri eskerildi.

Ereje úsh blokqa biriktirilgen 15 krıterııdi qamtıdy: qoǵamdyq-saıası qyzmet, medıa belsendilik, sondaı-aq partııalyq jaýapkershilik.

Zamanaýı reıtıngtik tehnologııalardy engizý depýtattardyń jol kartalaryn iske asyrýǵa jeke jaýapkershiligin arttyryp, nurotandyqtardy halyqpen júıeli jáne nátıjeli jumys isteýge baǵyttaıtynyna senimdimin.

Sonymen qatar 1 qyrkúıekten bastap azamattar úshin jergilikti jerlerdegi depýtattardyń qyzmeti, bastamalary men saýaldary týraly aqparat ashyq qoljetimdi, sondaı-aq, «Nur Otan»-nan saılanǵan halyq qalaýlylaryna ózekti máseleler boıynsha tikeleı júginý múmkindigi qamtylǵan arnaıy ınternet-platforma iske qosylady.

Jergilikti ózin-ózi basqarý organdarynyń ókilettikterin keńeıtý jáne ákimderdiń tikeleı saılanbalylyǵyn engizý jaǵdaıynda qabyldanyp jatqan sharalar Elbasynyń 5 ınstıtýtsıonaldyq reformasy sheńberinde ashyq jáne esep beretin memleketti qalyptastyrý boıynsha taǵy bir júıeli qadam bolady dep esepteımiz», - dedi Baýyrjan Baıbek.


Bizdiń kanalymyzǵa jazylyńyz:

Bólisińiz:

Avtor:

Samal Qabysheva

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT