+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

«Nur Otan» balalardyń qaýipsizdigin qamtamasyz etýge baǵyttalǵan sharalardy qolǵa almaq

2019 jylǵy 20 qarasha 05:30
Bólisińiz:
«Nur Otan» balalardyń qaýipsizdigin qamtamasyz etýge baǵyttalǵan sharalardy qolǵa almaq

NUR-SULTAN. QazAqparat - «Nur Otan» partııasynyń Otbasy jáne balalar quqyn qorǵaý jónindegi respýblıkalyq keńesi balalardy qaýipsizdigin qamtamasyz etý boıynsha júıeli sharalar ázirleıdi, dep habarlaıdy QazAqparat partııanyń baspasóz qyzmetine silteme jasap.

Uqsas jańalyqtar
Nur-Sultanda «Aýyl» partııasynyń sezi ótip jatyr Nursultan Nazarbaev «Nur Otan» partııasy oblystyq fılıaldarynyń ókilderimen kezdesti Aımaqtarda bıýdjettiń jumsalýyn partııa qatań baqylaýy tıis – Nursultan Nazarbaev

Atalǵan keńes Taraz qalasyndaǵy mektep dárethanasynda 12 jasar qyzdyń zorlyq-zombylyqqa ushyraý faktisine baılanysy jaýapty tulǵalardy, onyń ishinde Jambyl oblysynyń bilim basqarmasynyń basshylyǵyn jazalaý týraly máseleni de kóterdi.

Búgingi tańda Keńestiń saraptamalyq toby el aımaqtaryn aralap, 200 eldi mekendegi 1300-den astam bilim berý, áleýmettik qorǵaý jáne densaýlyq saqtaý mekemelerine monıtorıng júrgizdi. Atap aıtqanda, mamandardan quralǵan top mektepter, balalar ınternattary, aýrýhanalar, emhanalar, daǵdarys ortalyqtary men kámeletke tolmaǵandardy beıimdeý ortalyqtaryna bardy.

Buǵan deıin Jambyl oblysyna jumys sapary barysynda aımaq basshylyǵynyń aldynda birqatar túıitkildi máseleler kóldeneń tartylǵan-dy. Olardyń ishinde: kámeletke tolmaǵandar arasyndaǵy júktiliktiń rekordtyq kórsetkishi, jasóspirimder arasyndaǵy qylmystyń joǵary deńgeıi, dısfýnktsıonaldy otbasylardy anyqtaý boıynsha jumystardyń tıisti deńgeıde júrgizilmeýi sııaqty máseleler bar. Jalpy, kámeletke tolmaǵandardyń isi jónindegi oblystyq komıssııa óz sheshimderiniń oryndalý barysyn qadaǵalamaıdy, al qaralǵan máseleler boıynsha eshqandaı shara qabyldanbaıdy.

«Jambyl oblysynda ótken jıynda biz bilim basqarmasyna syrtta ornalasqan dárethanalardyń qaýipsiz emestigi týraly aıtyp, olardy múldem joıý kerek ekenine nazar aýdardyq. Bizdiń qorytyndy jıynymyzǵa barlyǵy qatysty. Osynda kóterilgen máseleler túgeldeı hattamaǵa jazyldy. Bizdiń kózimizshe birneshe mekteptiń aýlasyndaǵy dárethanalar súrilip, basqa nysandarda da osyndaı jumys isteletini týraly esep berilgen edi. Biraq, munyń barlyǵy is júzinde jaı ǵana kóz aldaý úshin jasalǵan áreket bolyp shyqty. Oryn alǵan sumdyq jaǵdaı tıisti sharalardyń qabyldanbaǵandyǵyn kórsetip otyr. Biz bilim basqarmasynyń basshysyn jaýapqa tartý týraly máseleni kóteremiz» - dedi keńes tóraǵasynyń orynbasary Dınara Zákıeva.

Qazirgi ýaqytta Keńestiń saraptamalyq toby Almaty qalasyndaǵy 151 nysanǵa júrgizilgen monıtorıngtiń nátıjesin shyǵardy. Munda da birqatar túıitkildi máseleler anyqtaldy. Atap aıtqanda, Áleýmettik qyzmet kórsetý ortalyǵynda, Úmit úıinde qatygezdik tanytý jáne máselelerge tıisti deńgeıde qaramaý faktileri, al Balalar úıinde óreskel zańbuzýshylyqtar anyqtalyp otyr.

«Ár aımaqta júrgizilgen jumystardyń nátıjesine súıene otyryp, sarapshylar barlyq baǵyttar boıynsha máseleni sheshýdiń júıeli jolyn jasaý úshin usynystar jınady. Olardyń ishindegi eń bastysy – balalar mekemeleriniń jumys sapasyna táýelsiz monıtorıngtiń joqtyǵy men mektep ashanalaryndaǵy jaǵdaıdyń kóńil kónshitpeıtindigi. Sondaı-aq, kóptegen mektep-ınternat, medıtsınalyq jáne áleýmettik mekeme, balalar úıleri men mektepter kúrdeli jóndeýdi, abattandyrýdy, baqylaý kameralaryn ornatýdy jáne olardyń monıtorıngin qajet etedi»,-delingen partııanyń habarlamasynda.

Bizdiń kanalymyzǵa jazylyńyz:

Basty sózder: Bilim, Oqıǵa, Partııalar, Qaýipsizdik,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT