+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Nur Otan áleýeti Prezıdenttiń koronavırýspen kúres bastamalaryn qoldaýǵa jumyldyrylsyn – Nursultan Nazarbaev

2020 jylǵy 27 naýryz 22:41
Bólisińiz:
Nur Otan áleýeti Prezıdenttiń koronavırýspen kúres bastamalaryn qoldaýǵa jumyldyrylsyn – Nursultan Nazarbaev

NUR-SULTAN. QazAqparat - Elbasy, «Nur Otan» partııasynyń Lıderi Nursultan Nazarbaevtyń tapsyrmasy boıynsha ishki partııalyq tańdaý ­– praımerızdi koronavırýske baılanysty eldegi ahýal turaqtanǵannan keıin ótkizý týraly sheshim qabyldandy, dep habarlaıdy QazAqparat.

Ortalyq apparat qazirgi kezde praımerız ótkizý barysynda onlaın-tehnologııany paıdalaný múmkindigin de pysyqtap jatyr.

Bastapqyda ishki partııalyq tańdaýdy bıylǵy 30 naýryzdan bastaý josparlanǵan edi. Keıinnen ony ótkizý merzimi 15 sáýirge aýystyryldy. Bul rette Saıası keńes otyrysyn ótkizýdiń toqtatylǵanyn eskere otyryp, praımerız ótkizý erejesiniń jobasyn qabyldaý boıynsha daýys berý syrttaı júrgizildi. Bıylǵy 26 naýryzda praımerız ótkizý erejesi bekitildi.

«Praımerız ótkizýdi ahýal tolyq turaqtanǵanǵa deıin keıinge qaldyra turý kerek. Qazir «Nur Otan»-nyń qyzmeti tolyqtaı qaıta baǵdarlandy. Partııanyń barlyq resýrsy Prezıdent Qasym-Jomart Toqaev bastamasymen qolǵa alynǵan koronavırýspen kúres jaǵdaıynda muqtaj qazaqstandyqtarǵa kómek uıymdastyrý sharalaryna qoldaý kórsetýge baǵyttaldy», - dep atap kórsetti eldiń Tuńǵysh Prezıdenti Nursultan Nazarbaev.

Elbasynyń tapsyrmasy boıynsha, «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary aıasynda «Nur Otan» partııasy jalǵyz basty qarttarǵa, múgedekterge jáne turmysy tómen kópbalaly otbasylarǵa ataýly kómek kórsetý úshin 150 mln. teńge baǵyttaǵanyn atap ótken jón.

Koronavırýs indetiniń taralýyna qarsy kúreske Tuńǵysh Prezıdent Qorynan taǵy da 200 mln. teńge bólindi.

Bólingen qarajattyń arqasynda partııa belsendileri men «Jas Otan» volonterlary kún saıyn halyqtyń áleýmettik álsiz sanattaryn antıseptıka jáne gıgıena quraldarymen, birinshi kezekte qajet taýarlarmen jáne basqalarmen baılanyssyz taratý jolymen qamtamasyz etýde.

Sonymen birge «Nur Otan» partııasy Nursultan Nazarbaevtyń bastamasymen koronavırýspen kúres jaǵdaıynda muqtaj azamattarǵa qoldaý kórsetý úshin qurylǵan «Birgemiz» qoǵamdyq qoryna óziniń barlyq uıymdyq resýrsyn qaıtarymsyz negizde usyndy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT