+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

Nur Otan alańynda medıtsınalyq ombýdsmen laýazymyn engizý usynyldy

2021 jylǵy 8 shilde 10:48
Bólisińiz:
Nur Otan alańynda medıtsınalyq ombýdsmen laýazymyn engizý usynyldy

NUR-SULTAN. QazAqparat - Óńirlerdegi densaýlyq saqtaý nysandary qurylysynyń sapasy jáne medıtsına qyzmetkerleriniń quqyqtaryn qorǵaý sharalary «Nur Otan» partııasy janyndaǵy Ult densaýlyǵy máseleleri jónindegi respýblıkalyq qoǵamdyq keńestiń otyrysynda talqylandy, dep habarlaıdy QazAqparat atalmysh saıası uıymnyń baspasóz qyzmetine silteme jasap.

Uqsas jańalyqtar
Pnevmonııadan 11 adam kóz jumdy Koronavırýs: qansha qazaqstandyq vaktsına saldyrdy Ótken táýlikte 3509 adam koronavırýs indetinen saýyqty

Densaýlyq saqtaý mınıstrliginiń ókili Danaı Smaǵulovtyń aıtýynsha, búginde «Nur Otan»-nyń saılaýaldy baǵdarlamasyn iske asyrý jónindegi Jol kartasy aıasynda Nur-Sultan jáne Almaty qalalarynda eki ǵylymı-ınnovatsııalyq kópbeıindi aýrýhananyń qurylysy bastaldy. Aımaqtarda 5 jyl ishinde 20 zamanaýı medıtsınalyq ortalyq ashý josparlanyp otyr. Sonymen qatar, barlyq eldi mekenderdi feldsherlik-akýsherlik jáne dárigerlik ambýlatorııalarmen qamtamasyz etý jumystary júrgizilýde.

Osy oraıda, partııa keńesi qurylystyń sapasy men merzimin saqtaý jáne salynyp jatqan nysandardy tehnıkalyq jabdyqtaý máselelerine salalyq vedomstvo qyzmetkerleriniń nazaryn aýdardy.

«Júrgizilgen monıtorıng qorytyndysynan «Dárý» Ulttyq ońaltý ortalyǵynyń qurylys kestesi saqtalmaǵanyn kórip otyrmyz. Al jeke medıtsınalyq uıymdar men klınıkalarda talaptardyń biryńǵaı tujyrymdamasynyń bolmaýyna baılanysty halyqqa alǵashqy medıtsınalyq-sanıtarlyq kómek kórsetý boıynsha «Úıdegi dáriger» jobasyna qatysý úshin qıyndyqtar týyndady», - dedi elordalyq keńes tóraıymy Dınara Orazalına.

Partııanyń baspasóz qyzmeti habarlaǵandaı, otyrys barysynda Keńes músheleri medıtsına qyzmetkerleriniń kásibı jaýapkershiligin saqtandyrý tetikterin jetildirýdi jáne oblystar men respýblıkalyq mańyzy bar qalalardyń Qoǵamdyq densaýlyq saqtaý basqarmalary janyndaǵy patsıentterdiń quqyqtaryn qorǵaý jónindegi táýelsiz ombýdsmen laýazymyn engizýdi usyndy.

Densaýlyq saqtaý mınıstrliginiń Ǵylym jáne adamı resýrstar departamentiniń dırektory Gúlnaz Tańatarovanyń aıtýynsha, vedomstvo medıtsına qyzmetkerleriniń mártebesin arttyrýǵa, olardyń quqyqtary men múddelerin qorǵaýǵa, eńbek jaǵdaılaryn jaqsartýǵa baǵyttalǵan zań jobasyn ázirlegen.

Atap aıtqanda, «kinásiz» júıesi bar qoldanystaǵy saqtandyrý kompanııalary arqyly (sotqa deıin ótemaqy tóleý) medıtsınalyq qyzmetkerlerdiń kásibı jaýapkershiligin saqtandyrýdy kezeń-kezeńimen engizý josparlanǵan, onda jumys berýshi saqtandyrýshy bolady. Sondaı-aq, emdeýdiń «trafarettik» tásil alynyp tastalyp, patsıenttermen aradaǵy daýdy retteýmen aınalysatyn medıatsııa qyzmeti engiziledi.

Otyrys qorytyndysy boıynsha Keńes birqatar usynymdar ázirledi. Olardyń qatarynda medıtsınalyq quqyq buzýshylyqtar jónindegi normany Ákimshilik kodekske aýystyra otyryp, Qylmystyq kodekstiń 317-babyn qaıta qaraý, medıtsına qyzmetkerleriniń kásibı jaýapkershiligin erikti saqtandyrýdyń tıimdi tetikterin pysyqtaý jáne t. b. usynystar bar.


Bizdiń kanalymyzǵa jazylyńyz:

Bólisińiz:

Avtor:

Qanat Mámetqazyuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT