Nur-Cultan qalasynyń Bas sanıtarlyq dárigeriniń jańa qaýlysy shyqty

NUR-SULTAN. QazAqparat – Nur-Sultan qalasynyń Bas sanıtar dárigeriniń 2022 jylǵy 12 qańtardaǵy № 1 qaýlysynyń kúshi joıyldy, dep habarlaıdy QazAqparat tilshisi.

Jańa qaýlyda qala turǵyndary men qonaqtary mynadaı talaptardy qatań saqtaýy kerek ekeni aıtylǵan:

- «Ashyq» jobasyna qatysatyn kásipkerlik nysandaryna kirý úshin «Ashyq» mobıldik qosymshasyn qoldaný;

- qoǵamdyq oryndarǵa, onyń ishinde qalalyq qoǵamdyq kólikterge, qyzmetine ruqsat etilgen obektilerge barǵan kezde, sondaı-aq ashyq aýadaǵy qoǵamdyq oryndarda betperde kııý, qashyqtyqty saqtaý jáne antıseptıkterdi paıdalaný jónindegi talaptardy qatań saqtaý.

Kásiporyndardyń, uıymdardyń basshylary, QR Bas memlekettik sanıtarııalyq dárigeriniń 2021 jylǵy №36, №38 №42 № 43, № 47, № 52 qaýlylarynyń, 2022 jylǵy №1, №2, №4 jáne №5 qaýlylarynyń talabyn oryndaýy qajet.

Qujatta Nur-Sultan qalasynyń «Ashyq» jobasy arqyly jumys isteıtin kásipkerlik sýbektileriniń tizimi de berilgen. Olar:

1) ıoga ortalyqtaryn qosa alǵanda, fıtnes-klýbtary;

2) spa-ortalyqtary;

3) monshalar, saýnalar, basseınder;

4) PlayStation klýbtaryn qosa alǵanda, kompıýterlik klýbtar;

5) boýlıng klýbtary;

6) kınoteatrlar;

7) teatrlar men fılarmonııalar;

8) strıt-fýdtardy qospaǵanda, qoǵamdyq tamaqtaný obektileri, jazǵy alańdar, banket zaldary;

9) ashana tıpindegi qoǵamdyq tamaqtaný obektileri;

10) oblysaralyq jáne qalalyq turaqty emes (týrıstik) tasymaldar;

11) oblysaralyq jáne oblysishilik turaqty tasymaldar;

12) bılıard klýbtary;

13) kontsert zaldary;

14) erikti qatysýshylar;

15) karaoke;

16) kórmeler;

17) okeanarıým;

18) marafondar;

19) kórermender qatysatyn sporttyq is-sharalar;

20) lotereıa klýbtary jáne lotereıa satatyn ózge de oryndar;

21) áýejaılar;

22) balalardyń oıyn-saýyq ortalyqtary (jabyq);

23) tsırkter;

24) otelder, qonaq úıler;

25) halyqqa qyzmet kórsetý ortalyqtary;

26) temir jol jáne avtovokzaldar;

27) bazarlar (jabyq), saýda oıyn-saýyq ortalyqtary, saýda úıleri, (azyq- túlik emes) saýda jelileri;

28) saýda alańy 6000 sharshy metrden asatyn (azyq-túlik) saýda jelileri;

29) balalardy saýyqtyrý ortalyqtary (jumyskerler (personal) úshin);

30) býkmekerlik kontoralar;

31) sulýlyq ortalyqtary men salondary, shashtarazdar, manıkıýr men pedıkıýr qyzmetterin kórsetý, kosmetıkalyq jáne kosmetologııalyq qyzmetter kórsetý salondary;

32) barlyq menshik nysanyndaǵy jáne vedomstvolyq baǵynystaǵy bilim berý uıymdary (pedagogtar, personal, ata-analar (zańdy ókilderi), kelýshiler, 18 jastaǵy jáne odan asqan bilim alýshylar úshin (ata-analarynyń nemese zańdy ókilderiniń ruqsatymen 12 jastan bastap balalarda QR-kodty skanerlep, erikti túrde tirkele otyryp));

33) sport keshenderi, sporttyq-saýyqtyrý ortalyqtary;

34) bilim berý uıymdarynda bilim alýshylardyń turýyna arnalǵan jataqhanalar men ınternattar (pedagogtar, personal, ata-analar (zańdy ókilderi), kelýshiler, bilim alýshylar úshin);

35) dinı obektiler;

36) oıyn klýbtary (kazıno);

37) túngi klýbtar;

38) bankter, «Qazpochta» AQ bólimsheleri.