+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Norvegııalyq eki ǵalym Arktıkadaǵy 1800 shaqyrym joldy júrip ótti

2019 jylǵy 9 jeltoqsan 08:52
Bólisińiz:
Norvegııalyq eki ǵalym Arktıkadaǵy 1800 shaqyrym joldy júrip ótti

NUR-SULTAN. QazAqparat – Norvegııalyq Borge Ýsland pen OAR týmasy Maık Hornnyń Soltústik polıýske jasaǵan ekspedıtsııasy sátti aıaqtaldy, dep habarlaıdy QazAqparat VVS-ge silteme jasap.

Ekspedıtsııa qyrkúıektiń aıaǵynda bastaldy. Zertteýshiler polıar túninde muzdyń betimen 1800 shaqyrym júrip ótti. Ekspedıtsııanyń maqsaty – Arktıka muzdarynyń erýi týraly aqparattar jınaý. Ǵalymdar bul qubylysty jahandyq jylynýmen baılanystyryp otyr.

Zertteý jumystary qarashanyń ortasynda aıaqtalýy tıis edi, alaıda Ýsland pen Horn aýa temperatýrasynyń qubylýy men jyljymaly muzdarǵa baılanysty kesteden qalyp qoıdy.

Juma kúni olardyń tamaǵy bitýi kerek edi, olarǵa norvegııalyq zertteýshiler Bengt Rotmo men Aleksandr Gamme kómekke keldi. Barlyǵy birge «Lans» zertteý kemesine deıin jetti.

Sapar uıymdastyrýshysy Lars Ebbesen spýtnıktik baılanys arqyly eki toppen de habarlasyp otyrdy. Ol juma kúni Bı-bı-sıge Horn men Ýslandtyń tikushaqpen evakýatsııadan bas tartqanyn, biraq norvegııalyqtarmen kezdesýge keliskenin málimdedi. Olardyń azyq-túligi bitip jatqan, al jel kúnnen kúnge kúsheıe túsken. Daýyl saldarynan baılanys úzilse, olar ash qalyp qoıýshy edi.

Ýsland pen Horn 23 qyrkúıekte muz ústindegi saparyn bastady. Olarǵa -40°C-tan +2°C-qa deıingi aralyqtaǵy aýa temperatýrasynyń birden ózgerýi kedergi keltirgen. Zertteýshiler buǵan jahandyq jylyný sebep dep tujyrymdaıdy

Jyljymaly muzdar saıahatshylardy artqa qaraı alyp ketip, sapardy uzartyp jibergen. Keı jerlerde muz qabaty ádettegiden juqa bolǵan. Horn bir ret sýǵa qulap ketip, qoly men murnyn ústirip alǵan. Hornnyń aıtýynsha, eki zertteýshi de qatty júdep, saıahat kezinde sharshaǵan.

Ýsland - 57, Horn – 53 jasta. Olar 2006 jyly Soltústik Polıýske qysta mehanıkalyq kóliksiz barǵan alǵashqy adamdar bolyp sanalady.

Foto: bbc.com

Bizdiń kanalymyzǵa jazylyńyz:

#Álem  
Bólisińiz:

Avtor:

Aqbópe Ábdrasýl

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT