Norvegııada kópir opyrylyp tústi
2022 jylǵy 16 tamyz 23:27

Norvegııada kópir opyrylyp tústi

NUR-SULTAN. QazAqparat – Norvegııanyń ońtústigindegi ózen arqyly ótetin aǵash kópir ústinen júk kóligi men jeńil avto júrip bara jatqanda qulaǵan, dep habarlaıdy QazAqparat ABC News-ke silteme jasap.

Júk kóligi sýdan tik kóterilip, kópirde vertıkal kúıinde turǵanda, avtokólik ózenge qulaǵan

Polıtsııanyń málimetinshe, qutqarý tikushaǵy júk kóliginiń júrgizýshisin qutqarýǵa kómektesken. Avtokólik ıesi óz kóliginen ózdiginen shyqqan.

Uzyndyǵy 150 metrge jýyq kópir Gýdbrannsdalen ózeniniń batys jaǵalaýy men Tretten aýylyn jalǵaıdy. Kópir 2012 jyly ashylǵan.

Norvegııa avtomobıl federatsııasy kópir 2021 jyly tekserildi dep málimdedi.

Norvegııanyń jalpyǵa ortaq avtomobıl joldary basqarmasy dúısenbide osy jaǵdaıǵa qatysty táýelsiz tergeý júrgizgisi keletinin málimdedi.

Gýdbrand alqabyndaǵy Shoa ózenindegi osyǵan uqsas kópir 2016 jyly opyrylǵan. Ol qulaǵan kezde kópirden ótip bara jatqan júk kóliginiń júrgizýshisi jeńil jaraqat aldy.

Osy apattan keıin osyndaı 11 kópirdi, sonyń ishinde Trettendegi bir kópirdi Norvegııa ınfraqurylymyna jaýapty memlekettik organmen ýaqytsha japty.


Foto: Geir Olsen/NTB Scanpix



Seriktester jańalyqtary

Jańalyqtar

Úrdis

MURAǴAT