+7 (701) 759 90 19
USD 388.49 EUR 427.26
RUB 6.06 CNY 55.32
Jańalyqtar

NOMAD MMA: Qaraǵandyda alǵash ret ashyq Azııa chempıonaty ótti

2019 jylǵy 21 qazan 14:54
Bólisińiz:
NOMAD MMA: Qaraǵandyda alǵash ret ashyq Azııa chempıonaty ótti

QARAǴANDY. QazAqparat – Qaraǵandyda NOMAD MMA aralas jekpe-jegi boıynsha ashyq Azııa chempıonaty ótti. Bul jarysqa 10 elden 600-den astam sportshy kelip qatysty, dep habarlaıdy QazAqparat tilshisi.

Uqsas jańalyqtar
Túrkistan oblysynda polıtseıler arasynda voleıboldan týrnır ótti Hokkeı: «Arlan» óz aıdynynda «Altaı Torpedodan» utyldy Oralda badmıntonnan halyqaralyq týrnır márege jetti

Іs-sharany NOMAD MMA Búkilálemdik Federatsııasy men Qazaqstan Respýblıkasynyń Mádenıet jáne sport mınıstrligi uıymdastyrdy.

Jarysqa 10 jáne odan joǵary jastaǵy 632 sportshy qatysty. Azııa chempıonatynda Qazaqstan, Qyrǵyzstan, Tájikstan, Ózbekstan, Reseı, Bangladesh, Aýǵanstan, Pákistan, Iran jáne Ázirbaıjanda ótken irikteý týrnırleriniń jeńimpazdary bas qosyp, baq talastyrdy.

Uıymdastyrýshylardyń aıtýynsha, bul sport túrinde sportshylardyń qaýipsizdigine basty nazar aýdarylady. Shekteýler men erejeler boıynsha úlken jumystar júrgizilýde. MMA-da mektep jasyndaǵy sportshylar óte kóp bolǵandyqtan osyndaı sharalar qoldanylady. Munyń barlyǵyn jańa sport túrin kórýge jáne óz elderinde NOMAD MMA odan ári damytý týraly kelissózder júrgizýge kelgen sheteldik ókilder atap ótti.

Aıta ketý kerek, kelesi jyly Álem chempıonatyna qatysýǵa 20-dan astam el nıet bildirdi.

«Búgingi jarysqa kelgen elderdiń ókilderi barlyǵymyzǵa Azııa oıyndary men Islam oıyndaryna birigý jáne kirý kerektigi týraly bizben kelissózder júrgizdi. Olarǵa bizdiń jekpe-jekte sportqa basty nazar aýdarylatyny, fızıkalyq faktorlar da eskeriletini unady», - dedi NOMAD MMA Federatsııasynyń Prezıdenti Gadjı Gadjıev.

NOMAD MMA Azııa federatsııasynyń ókilderi kelesi jyly Azııa chempıonatyn Iran men Pákistanda ótkizýdi usyndy.

«Ótken jyldan bastap biz kóptegen jarystar uıymdastyrdyq. Pákistanda NOMAD MMA uıymy bar. Bul sport túri óz erejeleri, uıym deńgeıi boıynsha da óte unaıdy. Sonymen qatar, biz qazaqstandyq sport túri Japonııada karate, Koreıada taekvondo sekildi damyp kele jatqanyn kórip otyrmyz. Biz NOMAD MMA jekpe-jegi Olımpıada oıyndary deńgeıinde bolady dep josparlap otyrmyz. Árıne, ol úshin jattyqtyrýshylar men tóreshilerge, sportshylar úshin jaýyngerlik júıe boıynsha semınarlar ótkizý qajet. Sondaı-aq uıymda jyldyq jospar bolýy tıis, oǵan sáıkes ár tórt aı saıyn osy semınarlardy ártúrli elderde ótkizý qajet. NOMAD MMA qazaq sport mádenıetiniń úlgisi bolyp tabylady», - dedi NOMAD MMA Azııa federatsııasynyń prezıdenti Zahır Hýseın Salverı.

Sonymen qatar, qazaqstandyq sportshylar basqa da jarystarǵa shaqyrtý aldy.

«Qańtar aıynda Saýd Arabııasynda «Kóshpendiler shaıqasy» ótedi. Bul jekpe-jek túri qazaq jerinde burynnan bolmaǵanymen tanymal sport túrine aınaldy. Bizdiń balalar 10 jyldan astam osy sport túrimen aınalysady. Sondyqtan biz qatysýǵa sheshim qabyldadyq», - dedi NOMAD MMA Federatsııasynyń Prezıdenti Gadjı Gadjıev.

Azııa chempıonatynda sportshylar 60 sanat boıynsha jarysty. Jalpykomandalyq esepte 46 «altyn», 44 «kúmis» jáne 44 qola medal alyp, barlyǵy 135 medalmen qazaqstandyq sportshylar birinshi oryndy ıelendi. Ekinshi orynda 15 medal alǵan reseılikter boldy. Onyń 7-ýi altyn, 5-ýi kúmis jáne 4-ýi qola. Úshinshi orynǵa 11 medalmen Pákistan quramasy turaqtady.






Bizdiń kanalymyzǵa jazylyńyz:

Basty sózder: Qaraǵandy oblysy, Sport, Qoǵam,
Bólisińiz:

Avtor:

Agata Mýhamedjanova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT