Netflix Reseıde jumysyn toqtatty
2022 jylǵy 27 mamyr 17:30

Netflix Reseıde jumysyn toqtatty

MÁSKEÝ. TASS-QazAqparat – Reseı aýmaǵynda Netflix vıdeoservısiniń jumysy toqtatyldy, dep habarlaıdy QazAqparat TASS agenttigine silteme jasap.

Mobıldik qosymshaǵa kirý kezinde «Netflix-ke qosylýda qıyndyq týyndady. Áreketti keıinirek qaıtalap kórińiz» degen habarlama shyǵady.

Reseılik paıdalanýshylar Netflix-tiń veb-nusqasyn da qoldana almaıdy.

Degenmen, Netflix vıdeoservısine VPN arqyly qosylýǵa bolady.

TASS agenttigi RF aýmaǵynda servıske qosylýda týyndaıtyn qıyndyqtyń sebebin túsindirýdi surap, Baılanys, aqparattyq tehnologııalar jáne buqaralyq kommýnıkatsııa salasyndaǵy baqylaý Federaldyq qyzmetine saýal joldaǵan.

Naýryz aıynyń basynda Netflix Ýkraına tóńiregindegi oqıǵalarǵa baılanysty Reseıde jumysyn ýaqytsha toqtatqan bolatyn. Sondaı-aq buǵan deıin Netflix basshylyǵy RF zańnamasynyń talaptaryna qaramastan, kompanııa reseılik 20 federaldy arnanyń kórsetilýin toqtatatynyn málimdegen bolatyn.


Uqsas jańalyqtar

Jańalyqtar

MURAǴAT