+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Nesipbek Aıtuly: Abaıdyń ónegesi – ulttyq ıdeologııanyń ózegi

2021 jylǵy 10 tamyz 11:34
Bólisińiz:
Nesipbek Aıtuly: Abaıdyń ónegesi – ulttyq ıdeologııanyń ózegi

NUR-SULTAN. QazAqparat – Aqyn, Qazaqstannyń eńbek sińirgen qaıratkeri Nesipbek Aıtuly barsha qazaqstandyqtardy aıtýly data – Abaı kúnimen quttyqtady, dep habarlaıdy QazAqparat tilshisi.

Elordadaǵy Abaı eskertkishiniń aldyna aıtýly kúnge oraı taǵzym etý úshin kelgen aqyn Nesipbek Aıtuly oıshyl aqynnyń atymen atalatyn merekeniń nelikten 10 tamyzǵa dóp kelgeni týraly oıyn aıtty.

«Abaıdyń týǵan kúni týraly árkim ár túrli pikir aıtyp keldi. Biraq byltyr el bolyp osy tamyzdyń 10-yna toqtadyq. Óıtkeni M.Áýezov solaı dep aıtyp ketken. Áýzovten artyq Abaıdy kim biledi? Bul kún – uly kún. Bizdiń Alladan keıin aýzymyzǵa túsetin esim – Abaı. Abaı qazaqtyń tólqujaty deýge bolady. Abaı jyrlary, ósıeti arqyly biz búkil qoǵamdy tárbıelep otyrmyz. Mynaý zaman ótken saıyn, kún ótken saıyn Abaı ýaqytpen birge úredi. Sebebi Abaı – máńgilik», - deıdi kórnekti aqyn.

Qoǵam qaıratkeri táýelsiz Qazastannyń memlekettik, ulttyq ıdeologııasynyń ózeginde Abaı ónegesi jatqanyn aıtady.

«Abaı baǵdarlap ketken baǵyttan, Abaı salyp ketken joldyń sorabynan adaspaıtyn bolsaq, adamdyqtan, parasattan, ulttyń uly qasıetinen biz eshqashan ajyramaımyz. Sondyqtan búkil qazaqqa Abaı atamyzdyń týǵan kúni, Abaı kúni qutty bolsyn degim keledi. Qazaq barda – Abaı bar, Abaı barda – qazaq bar», - dedi Nesipbek Aıtuly.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT