+7 (701) 759 90 19
USD 412.55 EUR 454.18
RUB 5.81 CNY 57.66
Jańalyqtar

Nesıe tólemin keıinge shegerý múmkindigi kimderge beriledi

2020 jylǵy 27 naýryz 17:15
Bólisińiz:
Nesıe tólemin keıinge shegerý múmkindigi kimderge beriledi

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev Prezıdenttiń bankter men mıkrokredıttik uıymdarǵa qaryz boıynsha aıyppuldar men ósimpuldarǵa tyıym salý týraly tapsyrmasyn túsindirdi, dep habarlaıdy QazAqparat.

Qazirgi ýaqytta Qarjy naryǵyn retteý jáne damytý agenttigi, Qazaqstan qarjygerleriniń qaýymdastyǵy, ekinshi deńgeıli bankter men mıkroqarjy uıymdary halyqty qoldaý boıynsha tıisti sharalardy ázirlep, bekitti.

«Osylaısha, qaryz alýshylar úshin tólem merzimi 2020 jyldyń 16 naýryzy men 15 maýsymy aralyǵynda keıinge shegeriledi. Qaryz boıynsha tólemderdi keıinge shegerý múmkindigi osyǵan muqtaj adamdarǵa berilmek. Máselen, karantınniń engizilýi sebepti jumysynan aırylǵandar, aqy tólenbeıtin eńbek demalysyna shyqqandar, jalaqysy qysqarǵandar nemese toqtatylǵandar jáne t.b. Ózderińiz túsingendeı, negizdemelerdiń basym kópshiligi tótenshe jaǵdaı rejımine qatysty bolmaq», - dedi mınıstr «Habar 24» telearnasynyń tikeleı efırinde.

Qosymsha qujattarsyz bul shegerý sharasy resmı túrde tirkelgen jumyssyzdarǵa, AÁK alýshylar jáne halyqtyń áleýmettik áljýaz toptaryna qatysty qoldanylady.

Sonymen birge, nesıelik uıymdar atalǵan tulǵalardyń tizimderin kredıttik bıýrolardan alady.

Bul shara kásipkerlerge de qatysty bolady. Mysaly, taýar satylymy men kórsetiletin qyzmet kólemi azaıýy sebepti qarjylyq jaǵdaıy nasharlaǵan, tutynýshylar tólemi keshikken jáne t.b. sebeptermen kásipkerler tólemderin keıinge shegerý múmkindigin ala alady.

Eske sala ketsek, qazirgi ýaqytta koronavırýs ınfektsııasymen Nur-Sultan qalasy boıynsha 60 adam, Almaty qalasynda – 48 adam, Qaraǵandy qalasynda - 4, Jambyl oblysynda -3 adam, Atyraý oblysy - 3 adam, Shymkent qalasynda - 2 adam, Almaty oblysynda - 1 adam, Aqtóbe oblysynda - 1 adam, Soltústik Qazaqstan oblysynda - 1 adam, Aqmola oblysynda - 1 adam, Pavlodar oblysynda - 1 adam, jalpy 125 naýqas tirkeldi.

Sonymen birge, Dáýren Abaev karantın rejımi kúsheıtilgen kezdegi kóshede júrý talaptaryn túsindirgen edi.

Koronavırýstan qaıtys bolǵandardy jerleý týraly bas sanıtarlyq dárigerdiń qaýlysy shyǵady.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT