Nazarbaevtyń saıası murasyna ádiletti baǵany keleshek urpaq beredi - Toqaev
2022 jylǵy 23 maýsym 16:40

Nazarbaevtyń saıası murasyna ádiletti baǵany keleshek urpaq beredi - Toqaev

NUR-SULTAN. QazAqparat – Prezıdent Qasym-Jomart Toqaev Qazaqstan polıtsııasynyń 30 jyldyǵyna arnalǵan saltanatty jıynda Qazaqstannyń Tuńǵysh Prezıdentiniń saıası róli týraly paıymyn aıtty, dep habarlaıdy QazAqparat tilshisi.

«Biz, qazaq halqy, saıası tulǵalarymyzdyń eńbegine qurmetpen, parasattylyqpen qaraýymyz qajet. Bul – Qazaqstannyń Tuńǵysh Prezıdenti Nursultan Ábishuly Nazarbaevtyń tulǵasyna da qatysty aqıqat. Onyń táýelsiz elimizdi qurý isine sińirgen eńbegin búkil álem qaýymdastyǵy moıyndady. Sondyqtan, Tuńǵysh Prezıdenttiń tarıhı róline qurmetpen qaraý – bárimizge ortaq mindet», - dedi Memleket basshysy.

Prezıdent Nursultan Nazarabevtyń saıası murasyna keleshek urpaq ádiletti baǵa beretinin eske saldy.

«Al, qazirgi urpaq ókilderi elimiz úshin tabandy jumys isteýi kerek. Biz bárimiz halyq retinde, eń aldymen, eńbekqor bolýymyz qajet. Saıası oıyndarǵa tosqaýyl qoıǵan jón.

Biz ótkenge jaltaqtamaı, jarqyn bolashaǵymyzǵa zor senimmen qadam basýymyz kerek. Kóp sózdiń qajeti joq, naqty iske kóshýge tıispiz. Basty mindet – osy», - dedi Qasym-Jomart Toqaev.

Aıta keteıik, búgin Memleket basshysy Qazaqstan polıtsııasynyń 30 jyldyǵyna arnalǵan saltanatty jıynda sóz sóıledi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT