+7 (701) 759 90 19
USD 405.77 EUR 457.91
RUB 5.77 CNY 57.42
Jańalyqtar

Nazarbaevtyń «Álem. HHІ ǵasyr» manıfesi adamzatty úshinshi dúnıejúzilik soǵys qaterinen aryltýǵa baǵyttalǵan

2016 jylǵy 27 qazan 16:21
Bólisińiz:
Nazarbaevtyń «Álem. HHІ ǵasyr» manıfesi adamzatty úshinshi dúnıejúzilik soǵys qaterinen aryltýǵa baǵyttalǵan

ASTANA. QazAqparat - Nazarbaevtyń «Álem. HHІ ǵasyr» manıfesi adamzatty úshinshi dúnıejúzilik soǵys qaterinen aryltýǵa baǵyttalǵan. Bul pikirdi búgin QR Parlamenti Májilisiniń depýtaty Saýytbek Abdrahmanov bildirdi, dep habarlaıdy QazAqparat.

«Egemendigimizdiń eleń-alańynda, Táýelsizdigimizdiń tańsári shaǵynda elimizdiń bolashaǵy týraly pessımıstik boljamdar kóp aıtyldy. Sonyń ishinde bular kóp ultty, kóp tildi, kóp dindi el, basy qosylmaıdy, yryń-jyryńy shyǵady degender de boldy. Biraq, olardyń aıtqany kelgen joq. Qazaqstan halqynyń, Elbasynyń aıtqany keldi. Biz eń aldymen óz aldymyzǵa úı boldyq. Elordamyz, Qazaqstan jahandyq jıyndar ótetin orynǵa aınaldy», - dep atap ótti depýtat.

Sonymen qatar ol Qazaqstannyń Eýropadaǵy qaýipsizdik jáne yntymaqtastyq uıymyna tóraǵalyq etkenin, jaqynda BUU Qaýipsizdik keńesiniń 2017-2018 jyldardaǵy turaqty emes músheligine saılanǵanyn atap ótti.

«Sóıtip, ózimiz de álem taǵdyryna aralasa alatyn elge aınaldyq. Sondaı úlken quqyq aldyq. Munyń jarqyn kórinisi - Prezıdenti Nursultan Nazarbaevtyń «Álem. HHІ ǵasyr» atty manıfesi. Ol Birikken Ulttar Uıymynyń resmı qujaty retinde qabyldanyp, búkil álemniń nazaryn aýdaryp otyr»,- dedi ol.

Abdrahmanov búgingi konferentsııada da osy másele keńinen talqylanatyndyǵyn basa aıtty.

«Óıtkeni, Ortalyq Azııany ıadrolyq qarýdan ada etý jónindegi elimizdiń usynysy barlyq taraptan qoldaý taýyp otyr. Elbasymyzdyń manıfesindegi oılardy júzege asyrý álemdegi qarýsyzdanýdyń kóshbasshysy retinde tanylǵan memleketimizdiń osy istegi bastamalaryn adamzatty úshinshi dúnıejúzilik soǵys qaterinen aryltý úshin dúnıejúzi qolǵa alatyn sharalar tóńiregine uıystyratyn bolady», - dedi Májilis depýtaty.

Aıta keteıik, elordadaǵy Ulttyq kitaphanada QR Táýelsizdigiń 25 jyldyǵyna arnalǵan «Nursultan Nazarbaevtyń «Álem. HHІ ǵasyr» manıfesi: Ortalyq Azııadaǵy óńirlik biregeılik pen qaýipsizdik» atty Ortalyq Azııalyq halyqaralyq ǵylymı-sarapshylyq keńestiń otyrysy ótýde. Oǵan Qazaqstan halqy Assambleıasynyń músheleri, QR Parlamenti Májilisiniń depýtattary, otandyq jáne Qyrǵyzstan, Ózbekstan, Tájikstan, Úndistan, Pákistan, Ońtústik Koreıa elderiniń sarapshylary qatysýda.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT