+7 (701) 759 90 19
USD 378.60 EUR 417.75
RUB 6.13 CNY 54.58
Jańalyqtar

Nazarbaeva: Máslıhattar memlekettik baǵdarlamalardy ázirleýge belsendi qatysýy tıis

2019 jylǵy 6 jeltoqsan 10:49
Bólisińiz:
Nazarbaeva: Máslıhattar memlekettik baǵdarlamalardy ázirleýge belsendi qatysýy tıis

NUR-SULTAN. QazAqparat - Máslıhattar tabıǵatty qorǵaýǵa arnalǵan jergilikti bıýdjet qarajatynyń maqsatty jáne tıimdi paıdalanylýyn baqylaýǵa alýy tıis.

Uqsas jańalyqtar
Baqytjan Jumaǵulov aqmolalyq dárigerlermen kezdesti Senatorlarmen kezdesýlerde halyq ózderin tolǵandyrǵan máselelerdi kóterdi Májilis depýtattary Qostanaı turǵyndarymen kezdesti

Bul týraly búgin Qazaqstan máslıhattarynyń 25 jyldyǵyna arnalǵan respýblıkalyq konferentsııada QR Parlamenti Senatynyń tóraǵasy Darıǵa Nazarbaeva aıtty, dep habarlaıdy QazAqparat tilshisi.

«Máslıhat depýtattary men jergilikti ózin-ózi basqarý organdary óz aýmaqtaryndaǵy problemalardyń barlyǵyn da jaqsy biletindigi sózsiz. Soǵan sáıkes olar memlekettik baǵdarlamalardy ázirleýge, tirek jáne spýtnıktiń eldi mekenderdiń tizbesin túzýge barynsha belsendi qatysýy tıis», - dedi Senat spıkeri.

Osy rette ol qazirgi ýaqytta Qazaqstan Úkimeti 2025 jylǵa deıin óńirlerdi damytýdyń memlekettik baǵdarlamasyn ázirlep jatqanyn jáne oǵan máslıhat depýtattary men jergilikti ózin-ózi basqarý organdary aralasýy tıistigin basa aıtty.

«Taıaýda, Senatta biz sý men sý únemdeý, turmystyq jáne ónerkásiptik qaldyqtardy jınaý jáne qaıta óńdeý problemalary týraly aıttyq. Qorshaǵan ortanyń lastanýy, sý sapasynyń nasharlyǵy adamdardyń densaýlyǵyna áser etip, ómirlerin qysqartady. Ekologııamyzdy, týǵan jerimizdi saýyqtyrý boıynsha jedel naqty sharalar qajet. Olaı bolmaǵan jaǵdaıda jerimiz úlken qoqys alańyna aınalady», - dedi Darıǵa Nazarbaeva.

Senat spıkeriniń dereginshe, kásiporyndar aǵyn sýlardyń shamamen 50 paıyzdan astamyn tazartpastan aǵyzyp jiberedi. Qatty turmystyq qaldyqtardy ornalastyrýǵa arnalǵan 3 500-den astam polıgonnyń 17 paıyzy ǵana sanıtarlyq normalarǵa saı keledi. 8 608 sanktsııalanbaǵan qoqys alańy anyqtalǵan. 2018 jyly qaıta óńdelgen jáne joıylǵan turmystyq qaldyq úlesi nebári 11,5 paıyzdy quraǵan. Buǵan qosa, 30 mrld tonnadan astam ónerkásip qaldyǵy jınalyp qalǵan. 2018 jyly onyń nebári 32 paıyzy ǵana óńdelgen.

«Jergilikti atqarýshy organdar bıýdjette tabıǵatty qorǵaý sharalaryna arnalǵan qarajattyń joqtyǵyn aıtyp shaǵymdanady. Bul oraıda qorshaǵan ortany lastaý emıssııasy úshin barlyq tólemder jergilikti bıýdjetke túskenimen basqa maqsattarǵa jumsalady. Barlyq deńgeıdegi máslıhattar tabıǵatty qorǵaýǵa arnalǵan jergilikti bıýdjet qarajatynyń maqsatty jáne tıimdi paıdalanylýyn baqylaýǵa alýy tıis», - dedi Darıǵa Nursultanqyzy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT