+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Nazarbaev ýnıversıtetinde bilimimdi jalǵastyrmaqshymyn – Shynar Mars

2020 jylǵy 3 shilde 06:50
Bólisińiz:
Nazarbaev ýnıversıtetinde bilimimdi jalǵastyrmaqshymyn – Shynar Mars

ORAL. QazAqparat – Bıyl SAT, ACT, IB halyqaralyq standarttalǵan testteriniń balyn Ulttyq biryńǵaı testileý balyna aýystyrý shkalasy engizilgeni málim. Osy oraıda QR Bilim jáne ǵylym mınıstrliginiń sheshimimen daryndy balalarǵa arnalǵan mamandandyrylǵan S.Seıfýllın atyndaǵy №11 oblystyq qazaq mektep-ınternat kesheniniń eki túlegi Ámirjan Armandıev pen Shynar Marsqa 140 ball kórsetilgen sertıfıkat tabys etilip, olar UBT tapsyrýdan bosatylǵan bolatyn.

Uqsas jańalyqtar
Bolashaq pedagogtar men doktoranttardyń stıpendııasy artady Qostanaı oblysynda jyl sońyna deıin úsh mektep salynady Qostanaı oblysynyń mektepterine 15 myń kompıýter satyp alynbaq

Úzdik nátıjege qol jetkizgen shákirttiń biri Shynar Marspen QazAqparat tilshisi suhbattasqan edi.

-Shynar Asqarqyzy, UBT-nyń bıylǵy ereksheligi, halyqaralyq emtıǵandy sátti tapsyrǵan túlekterge 140 ball berildi, osyǵan baılanysty ne aıtar ediń?

-Iá, SAT, ACT nemese IB halyqaralyq emtıhandary – sheteldik ýnıversıtetterge túsý úshin basty krıterıılerdiń biri. Bul emtıhandar syndyq oılaý qabileti men matematıka páninen bilimin tekserýge arnalǵan. Osy testterdi sátti tapsyrý tabandylyq pen óz betimen daıyndyqty talap etedi. Shetelge nemese Nazarbaev ýnıversıtetine oqýǵa qabyldaý ýaqyty erterek ótedi jáne oqýshylardyń daıyndyqty múmkindiginshe erte bastaýyn talap etedi. Óz basym, SAT emtıhanyn qazan aıynda sátti tapsyrýym – júıeli daıyndyq pen ýaqytty utymdy paıdalanýdyń arqasy dep oılaımyn. Al, memlekettiń halyqaralyq emtıhandar tapsyrǵan oqýshylarǵa 140 upaı berýi – túlekterdiń eńbegin joǵary baǵalaý dep túsinemin.

-Óz tabys-jetistikterińe toqtala ketseń?

-Qazirgi tańdaǵy eń úlken jetistigim – álemniń JOO-lary arasynda 75-orynda turǵan Gonkong polıtehnıkalyq ýnıversıtetine (The Hong Kong Polytechnic University) jáne Nazarbaev ýnıversıtetine qabyldanýym. Odan basqa, SAT Subject Test emtıhanynan múmkin bolǵan 1600 upaıdyń 1550 jınaýym. Mektep kezinde fızıka páninen birneshe olımpıadaǵa qatystym. Sonyń eń aýqymdylary: 8-synypta astronomııadan oqýshylardyń respýblıkalyq týrnırinde – birinshi, 9-synypta halyqaralyq «PhysiCo 2018» qashyqtyq olımpıadasynda úshinshi orynǵa ıe boldym. Al 10-synypta jalpy bilim beretin pánder boıynsha respýblıkalyq olımpıadada baq synadym.

-Shynar, bala kúnnen kim bolýdy armandadyń, endigi josparyń, arman-maqsatyń qandaı?

-Shynyn aıtsam, bala kúngi armanym sáýletshi bolý edi. Anama «Men Frantsııada oqyǵym keledi» dep aıtýshy edim. Joǵary synyptarda fızıka pánine qyzyǵýshylyǵym oıanyp, osy pánnen birneshe olımpıada men saıystarǵa qatystym. Alaıda kompıýterlik ǵylymdar mamandyǵyn tandaýymnyń sebebi – baǵdarlamalaý qazirgi kezdegi mańyzdy quralǵa aınaldy. Osy salada bilim alyp, bilikti maman bolyp elimizdiń damýyna óz úlesimdi qosqym keledi. Qazirgi jaǵdaılarǵa baılanysty tolyq grant alǵan Gonkong polıtehnıkalyq ýnıversıtetine barýdan bas tarttym. Endi bilimimdi Nazarbaev ýnıversıtetinde jalǵastyrmaqpyn.

-Osynshama jyldar boıy bilim bergen ustazdaryń týraly ne aıtar ediń, ómirde úlgi tutar adamdaryń?

-Eń aldymen barlyq jetistigim alǵashqy ustazym Gúlnaz Imanqyzy men ájemniń arqasynda dep oılaımyn. Mektepke aıaq basqanymnan bastap tabandylyq, talapshyldyq pen enbekqorlyq sııaqty qasıetterdi boıyma sińirgen osy eki tulǵa. Al joǵary synyptarda, óz kúshime senýge kómektesken, maqsatqa jetkenshe taısalmaı eńbek etýge baýlyǵan fızıka páni muǵalimderi – Aıgerim Myrzajanovna men Erjan Seıtjanulyna alǵysym sheksiz! Al, mektepte tegin IELTS emtıhanyna daıyndyq uıymdastyryp, oqýshylaryna bar bilgenin úıretýden aıanbaǵan ustazym Aıan Ramılulynyń men úshin orny bólek. Shetelge qujattar tapsyrý uzaq protsess, osy jolda meni baǵyttap, kómektesken Asylbek Serikulyna rızashylyǵymdy bildirgim keledi. 7 synypta baýyryna basyp, qımastyqpen mektepten shyǵaryp salǵan kýratorym Dıanara Askarqyzyn úlgi tutamyn. Ár oqýshynyń tulǵa bolyp qalyptasýyna úlken úles qosqan, óziniń jumysyn berilip jasaıtyn maman.

-Taǵy bir saýal, bıyl elimizdegi tótenshe jaǵdaıǵa baılanysty shákirtterdiń qashyqtan oqytýǵa kóshkeni málim. Bul tásildiń múmkindikteri qandaı dep oılaısyń?

-Meniń oıymsha, qashyqtan oqytý oqý úrdisin tolyqqandy almastyra alady. Sebebi, kún tártibin ózińe yńǵaıly qoıyp, sportpen aınalysýǵa, kitap oqýǵa nemese súıikti isińmen aınalysýǵa kóbirek ýaqyt tabýǵa bolady. Qazirgi kezdegi tehnologııalardyń arqasynda muǵalimdermen baılanysqa shyǵyp, túsinbegen suraqtardy naqtylap surap alýǵa eshqandaı kedergi joq.

Eske sala keteıik, Batys Qazaqstanda 5 myńǵa jýyq talapkerdiń UBT synaǵynan ótkenin, 136 ball jınaǵan túlektiń bolashaqta bilikti dáriger bolǵysy keletinin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT