Naızaǵaı, burshaq, daýyl – jumaǵa arnalǵan aýa raıy boljamy

NUR-SULTAN. QazAqparat – Qazgıdromet 20 mamyrǵa arnalǵan aýa raıy boljamyn jarııalady, dep habarlaıdy QazAqparat.

QR basym bóliginde jańbyr, naızaǵaı, burshaq, daýyl, ekpindi jel, oblystyń ońtústik-batysynda shańdy daýyl, túngi ýaqytta tuman kútiledi. Elimizdiń soltústik-shyǵysy men ortalyǵyna antıtsıklon jotasy áser etedi, jaýyn-shashynsyz aýa raıy kútiledi.

Soltústikte, batysta, soltústik Qazaqstan oblysynyń shyǵysynda naızaǵaı, burshaq, daýyl soǵyp, jeldiń jyldamdyǵy 15-20, kúndiz ekpini 23-28 m/s jetedi.

Qostanaı oblysynyń ortalyǵynda, shyǵysynda naızaǵaı, burshaq, daýyl, jeldiń kúsheıýi túnde shyǵysta 15-20 m/s, kúndiz oblystyń basym bóliginde 15-20, shyǵysynda 23-28 m/s kútiledi.

Mańǵystaý oblysynyń kúndiz soltústiginde, batysynda, shyǵysynda naızaǵaı, burshaq, daýyl, shańdy daýyl soǵady, túnde soltústiginde jel 15-20 m/s, kúndiz 15-20 ekpini 23 m/s kúsheıedi.

Kúndiz Aqtóbe oblysynyń batysynda, ońtústiginde, soltústiginde naızaǵaı, oblystyń soltústiginde burshaq, túnde oblystyń batysynda – tuman, túnde ońtústikte, batysta, kúndiz batysta, ońtústikte, oblys ortalyǵynda jeldiń kúsheıýi 15-20 m/s bolady.

Kúndiz Almaty oblysynyń taýly aýdandarynda naızaǵaı, burshaq, daýyl kútiledi, jel 15-20, ekpini 24-29 m/s kúsheıedi, Aqmola oblysynyń batysynda, soltústiginde naızaǵaı, kúndiz oblystyń ońtústik-shyǵysynda shańdy daýyl, jeldiń kúsheıýi 15-20, oblystyń soltústiginde keıde 23 m/s jetedi.

Túrkistan oblysynyń taýly aýdandarynda naızaǵaı, daýyl, jel 15-20 m/s kúsheıedi.

Kúndiz Batys Qazaqstan oblysynyń batysy men soltústiginde naızaǵaı kútiledi, Oblystyń batysy men shyǵysynda jeldiń jyldamdyǵy 15-20 m/s jetedi. Túnde batysta, soltústikte, ortalyqta, kúndiz Atyraý oblysynyń basym bóliginde naızaǵaı oınap, jel 15-20 m/s kúsheıedi. Túnde Shyǵys Qazaqstan oblysynyń soltústik-shyǵysynda, shyǵysynda, ońtústiginde naızaǵaı kútiledi, túnde soltústik-shyǵysta, shyǵysta jel 15-20 m/s kúsheıedi. Kúndiz Jambyl oblysynyń taýly aýdandarynda naızaǵaı, burshaq, daýyl kútiledi, tańerteń jáne kúndiz ońtústik-batysta, soltústik-shyǵysta, taýly aýdandarda jel 15-20 m/s kúsheıedi.

Kúndiz Pavlodar oblysynyń batysynda, soltústiginde, ortalyǵynda jel 15-20 m/s kúsheıedi. Kúndiz Qyzylorda oblysynyń soltústiginde jeldiń jyldamdyǵy 15-20 m/s, shańdy daýyl soǵady.

Shyǵys Qazaqstan oblysynyń Jarma aýdanynda, Qyzylorda oblysynyń ortalyǵynda tótenshe órt qaýpi saqtalady.