Naızaǵaı, burshaq, daýyl – 11 óńirde eskertý jarııalandy
2022 jylǵy 24 mamyr 20:05

Naızaǵaı, burshaq, daýyl – 11 óńirde eskertý jarııalandy

NUR-SULTAN. QazAqparat – «Qazgıdromet» RMK 25 mamyrda aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Atap aıtqanda, Qyzylorda oblysynyń ortalyǵynda jáne soltústiginde shańdy daýyl kútiledi. Ońtústik-shyǵystan soqqan jel batysqa aýysyp, ortalyq pen soltústikte kúshi 15-20 m/s artady. Óńirdiń ortalyq bóliginde tótenshe órt qaýpi saqtalady.

Túnde Batys Qazaqstan oblysynyń shyǵys bóliginde naızaǵaı, burshaq, daýyl boljanady. Jel soltústik-batystan soǵady, oblystyń soltústik-shyǵysynda kúndiz ekpini 15-20 m/s jetedi.

Túnde Atyraý oblysynyń shyǵysynda naızaǵaı oınap, soltústik-batystan jel soǵady. Óńirdiń shyǵysynda jeldiń kúshi 15-20 m/s artady.

Kúndiz Aqmola oblysynyń soltústiginde, batysynda shyǵystan, ońtústik-shyǵystan jel soǵady, jyldamdyǵy 15-20 m/s quraıdy.

Mańǵystaý oblysynyń soltústiginde, shyǵysynda, ońtústiginde naızaǵaı oınap, shańdy daýyl turady. Jeldiń ekpini 15-20 m/s jetedi.

Kúndiz Aqtóbe oblysynyń shyǵysynda naızaǵaı kútiledi. Jeldiń baǵyty ońtústik-shyǵystan soltústik-batysqa aýysyp, kúndiz shyǵysta ekpini 15-18 m/s quraıdy.

Shyǵys Qazaqstan oblysynyń Jarma aýdanynda tótenshe órt qaýpi saqtalady.

Qostanaı oblysynyń batysynda, ońtústiginde naızaǵaı, burshaq, daýyl boljanady. Ońtústik-shyǵystan jel soǵady, kúshi 15-20 m/s jetedi.

Kúndiz Soltústik Qazaqstan oblysynda ońtústik-shyǵystan jel soǵady, óńirdiń soltústiginde, batysynda ekpini 15-20 m/s kúsheıedi.

25-26 mamyrda Jambyl oblysynyń taýly aýdandarynda naızaǵaı, burshaq, daýyl kútiledi. Jeldiń jyldamdyǵy taýly aýdandarda 25 m/s artady.

Túrkistan oblysynyń taýly aýdandarynda shyǵystan, ońtústik-shyǵystan jel soǵady, kúshi – 15-20 m/s.


Jańalyqtar

MURAǴAT