Naýqas balalardy emdeý úshin Shymkentke qymbat preparattar jetkizildi
2022 jylǵy 23 qańtar 18:53

Naýqas balalardy emdeý úshin Shymkentke qymbat preparattar jetkizildi

ShYMKENT. QazAqparat- Naýqas balalardy emdeý úshin Shymkentke álemdegi eń qymbat preparattar jetkizildi, dep habarlaıdy QazAqparat tilshisi.

Dárigerler bir qutysy 42 mln teńge turatyn dárilik zattyń aýyr dertke shaldyqqan balalarǵa tıgizer paıdasynyń kóptigin aıtyp otyr.

Máselen «Spınraza» dárisi bulshyq ettiń atrofııasy dıagnozy qoıylǵan balalardy emdeý úshin qoldanylady.

Atalǵan dertke shaldyqqan 6 balanyń emine qazir dárigerler osy dárilik zatty qoldanýda.

«Bulshyq et atrofııasynda qımyl-áreketke jaýap beretin motoneırondar zaqymdalady. «Spınraza» dárisiniń kómegimen jasalatyn ınektsııalyq terapııa dál sol qımyl áreketke jaýapty genniń ornyn basady. Sonyń saldyranan balanyń belsendiligi artyp, áreketi kóbeıip, belsendi ómir súredi»- deıdi Shymkent qalalyq densaýlyq saqtaý basqarmasynyń nevrolog dárigeri Gúljahan Mahanbetova.

Qala turǵyny Azızbek Kýdratýllaevtyń 3 jasar balasyn emdeý úshin qalalyq klınıkalyq balalar aýrýhanasynyń dárigerleri «Spınraza» preparatyn qoldanýda.

Alǵashqy emdeý kýrysynyń ózinde jas áke ulynyń densaýlyǵynda oń ózgerister baryn baıqapty.

«Buryn aıaǵyn belin múldem qımyldata almaıtyn. Al qazir aqyryndap qımyldatyp, óz betinshe áreket etýge tyrysýda. Bul emnen jaqsy nátıje kútemiz»-deıdi Azızbek Kýdratýllaev.

Osylaısha jańa preparatty emdeý jumystarynda qoldanǵan aq halattylar tósekke tańylǵan balalardyń eminde oń ózgeristerge qol jetkizýde. Bul týraly Almaty jáne Shymkent qalasyndaǵy balalar aýrýhanalaryndaǵy dárigerlerdiń qatysýymen ótken master-klasta keńinen sóz boldy.

Aıta keteıik, búgingi kúni qala boıynsha bulshyq et atrofııasyna shaldyqqan 11 bala esepte tur.

Jańalyqtar

MURAǴAT