NATO jedel áreket etetin ásker sanyn kóbeıtedi
2022 jylǵy 28 maýsym 15:34

NATO jedel áreket etetin ásker sanyn kóbeıtedi

NUR-SULTAN. QazAqparat - NATO jedel áreket etý kúshterin aýqymdy modernızatsııalaý jáne onyń sanyn 300 myń áskerge deıin arttyrýdy josparlap otyr, dep habarlaıdy QazAqparat BBC News-ke silteme jasap.

Qazirgi ýaqytta bloktyń jedel áreket etý kúshteriniń qaramaǵynda 40 myń ásker bar, olardyń kópshiligi alıanstyń shyǵys qanatynda ornalasqan.

NATO uıymynyń bas hatshysy Iens Stoltenberg bul ósim eýropalyq qaýipsizdikke tikeleı qaýip tóngennen keıin bolǵanyn aıtty. Áskerı alıanstyń jedel áreket etý kúshteri – shabýyl kezinde tez arada ornalastyrýǵa arnalǵan qurlyq, teńiz jáne áýe kúshteriniń jıyntyǵy.

2014 jyldan beri onyń sany 13 myń áskerden 40 myńǵa deıin turaqty ósti. Dj.Stoltenberg jarııalaǵan qadamdar 28 maýsymda Madrıdte bastalǵan NATO-nyń úsh kúndik sammıtinde bekitiledi dep kútilýde.


Jańalyqtar

Úrdis

MURAǴAT