+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

NATO sarapshylary «Qazbat» bitimgershilik batalonynyń ázirligin baǵalaıdy

2013 jylǵy 22 tamyz 13:06
Bólisińiz:
NATO sarapshylary «Qazbat» bitimgershilik batalonynyń ázirligin baǵalaıdy

ASTANA. 22 tamyz. QazAqparat - Búgin Almaty oblysyndaǵy «Іle» polıgonynda «Qazbrıg» bitimgershilik brıgadasynyń oqý ortalyǵynda «Dala qyrany - 2013» halyqaralyq bitimgershilik oqý-jattyǵýynyń sheshýshi kezeńi bolyp ótti. Bul týraly QR Qorǵanys mınıstrliginiń baspasóz qyzmetinen habarlandy.

Jattyǵýǵa Qazaqstan jaǵynan «Qazbat» bitimgershilik batalony tolyq quramda, «Qazbrıg» bitimgershilik brıgadasynyń shtaby jáne Qazaqstan Qarýly Kúshteri Aeroutqyr áskerleri qolbasshysy basqarmasynyń áskerı qyzmetshileri, Qurlyq áskerleri jáne Áýe qorǵanysy kúshteriniń bólimsheleri qatysty.

Qazaqstandyq áskerı qyzmetshiler AQSh, Ulybrıtanııa, Italııa, Lıtva, Shveıtsarııa, Tájikstan jáne Qyrǵyzstan qarýly kúshteriniń bólimshelerimen birlesip, beıbitshilikti qoldaý boıynsha júrgiziletin operatsııalardy oryndaýdaǵy tájirıbelerin pysyqtady.

Oqý-jattyǵý barysynda «Qazbattyń» jeke quramy shtabtyń jumysyn,
sondaı-aq qala oramdarynda jaıaý patrýl jasaý, patrýlge jasalǵan shabýyldy toıtarý jáne kúdikti adamdardy ustaý sııaqty is-qımyldardy kórsetti.

Jattyǵýdyń sheshýshi kezeńinde áskerı qyzmetshiler mobıldi blok-posty jasaqtaý jáne onyń jumys isteý tártibin usyndy. Qazaqstandyq bitimgershiler desant túsirý, áýe kóligimen jaralylardy evakýatsııalaý, sondaı-aq gýmanıtarlyq júkterge áýeden qoldaý kórsetý sııaqty is-qımyldardy júrgizdi.

«Dala qyrany - 2013» oqý-jattyǵýyna qatysýshylardyń is-qımylyn Ispanııa, Germanııa jáne Belarýs Respýblıkasynan kelgen baqylaýshylar baqylady. Olar qazaqstandyq bitimgershilerdiń daıyndyq deńgeıine joǵary baǵa berdi.

Qazaqstandyq bitimgershilerdiń Soltústik Atlantıka odaǵy elderi qarýly kúshteri bólimshelerimen birlesken operatsııalar kezindegi ózara is-qımyl daıyndyǵyna baǵany NATO sarapshylary beretin bolady. «Qazbat» bitimgershilik batalony «Jedel áleýet tujyrymdamasy» baǵdarlamasynyń birinshi deńgeıi boıynsha baǵalanatyn bolady. Baǵalaýdyń resmı nátıjesi saraptamadan soń habarlanady.

Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT