+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

NATO sarapshylary: Qazaqstandyq bitimgershiler BUU bitimgershilik operatsııalaryna qatysýǵa daıyn

2013 jylǵy 3 qazan 16:35
Bólisińiz:
NATO sarapshylary: Qazaqstandyq bitimgershiler BUU bitimgershilik operatsııalaryna qatysýǵa daıyn

ASTANA. 3 qazan. QazAqparat - Almaty qalasynda Qurlyq áskerleri áskerı ınstıtýtyndaǵy «Beıbitshilik jolyndaǵy áriptestik» oqý ortalyǵynda «Jedel áleýet tujyrymdamasy» baǵdarlamasy boıynsha NATO-nyń UR Qorǵanys mınıstrligimen birlesip uıymdastyrylǵan jyl saıynǵy konferentsııasy ótti. Bul týraly elimizdiń Qorǵanys mınıstrliginiń baspasóz qyzmetinen habarlady.

Baǵdarlama áriptes elder bitimgershilik bólimsheleriniń NATO elderiniń qarýly kúshterimen ózara is-qımylǵa ázirligin baǵalaý mehanızmi bolyp sanalady.

Konferentsııaǵa Avstrııa, Ázirbaıjan, Armenııa, Bosnııa men Gertsegovına, Ulybrıtanııa, Grýzııa, Germanııa, Iordanııa, burynǵy ıÝgoslav respýblıkasynan Makedonııa, Moldova, Mavrıtanııa, Norvegııa, Serbııa, Túrkııa, Ýkraına, Fınlıandııa, Shvetsııa jáne Chernogorııa ókilderi qatysty.

Qatysýshylar bitimgershilik bólimshelerdi baǵalaý júrgizý salasynda tájirıbe almasty, bitimgershilik salasyndaǵy áskerı yntymaqtastyq, «Jedel áleýet tujyrymdamasy» baǵdarlamasyn damytý máselelerin talqylady.

Bul is-shara bıyl júrgizilgen «Qazbat» qazaqstandyq bitimgershilik batalonynyń bitimgershilik bólimshelerine qoıylatyn halyqaralyq standarttarǵa sáıkestigin, jedel úılesimdiligin baǵalaý aıasynda Qazaqstan Qarýly Kúshteri úshin erekshe mańyzǵa ıe.

Esterińizge sala keteıik, 2013 jylǵy tamyzda NATO sarapshylary «Іle» polıgonynda «Dala qyrany-2013» bitimgershilik oqý-jattyǵýyn ótkizý barysynda «Qazbatty» baǵalaý júrgizgen bolatyn. Batalon jedel úılesimdi jáne sheteldik bólimshelermen birlesip BUU bitimgershilik operatsııalaryna qatysýǵa daıyn dep tanyldy.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT