+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

NATO sarapshylary qazaqstandyq áskerılerdi joǵary baǵalady

2013 jylǵy 3 qyrkúıek 11:41
Bólisińiz:
NATO sarapshylary qazaqstandyq áskerılerdi joǵary baǵalady

ASTANA. 3 qyrkúıek. QazAqparat - Іle polıgonynda «Dala qyrany - 2013» halyqaralyq bitimgerlik jattyǵýy aıaqtaldy. Bul týraly QR Qorǵanys mınıstrliginiń baspasóz qyzmetinen.

Álemniń 12 elinen kelgen áskerı qyzmetshiler eki apta boıy birlesken bitimgerlik operatsııalardy ótkizýdiń qyr-syrlaryn meńgerdi.

«Qazbattyń» jaýyngerleri áskerı daıyndyqtarynyń joǵary deńgeıde ekendikterin kórsetti. Sheteldik áriptester qazaqstandyq áskerı qyzmetshilerdiń úzdik nátıjelerin atap ótti. «Qazbattyń» patrýldik desantty shabýyldaýshy brıgadasy eldi mekendi tazartý, mınalardy zalalsyzdandyrý, jaralylardy tikushaqpen tasymaldaý jáne gýmanıtarlyq júkterdi alyp júrý sııaqty sharalardy júzege asyrýǵa qatysty. Sonymen birge qazaqstandyq bitimgerler «Dala qyrany - 2013» halyqaralyq bitimgerlik jattyǵýyna qatysýshy elder qarýly kúshteriniń ókilderimen birge blok-postqa jasalǵan shartty túrdegi sodyrlardyń shabýylyn toıtara bildi. Bir atap ótetin jaıt - polıgondaǵy ahýal shynaıylyqqa para-par jaǵdaıda bolǵandyǵy.

AQSh, Italııa, Ulybrıtanııa jáne basqa da jattyǵýǵa qatysýshy elderdiń áskerı komandırleri, Qazaqstan armııasynyń bitimgerlik mıssııany oryndaýda zor áleýetke ıe bolyp otyrǵandyǵyn jáne «Qazbat» BUU sheńberinde kez kelgen memlekette basqa elderdiń qarýly kúshterimen birlesip áreket etýge daıyn ekeniń atap ótti.

Jattyǵýǵa qatysqan NATO sarapshylary «Qazbattyń» is-qımylynyń joǵary deńgeıde ekendigine tańdandy.

NATO-nyń resmı saıtynda «NATO assists Kazakhstan Peace Keeping Battalion with Extrcise Steppe Eagle» («NATO qazaqstandyq bitimgerlik batalonǵa «Dala qyrany» jattyǵýyn ótkizýge kómektesedi») atty maqala ornalastyryldy. Maqalada NATO áskerı seriktestik Basqarmasy úılestirý jáne ıntegratsııalaý dıvızıonynyń Dırektory general Bardhıl Kolchaký (Colonel Bardhyl Kollcaku): «Men yntymaqtastyqtyń deńgeıine, aqparat almasýdaǵy ynta men qulshynysqa tańdandym, bul degenińiz Qazbattyń bitimgerlik operatsııalardy erkin júrgize alatyndyǵyn dáleldeıdi», - dep atap kórsetti. «Dala qyrany - 2013» jattyǵýy «Beıbitshilik úshin seriktestik» baǵdarlamasy sheńberinde NATO men Qazaqstan arasyndaǵy yntymaqtastyqtyń mańyzdy kezeńine aınaldy.

NATO sarapshylary maqalada sondaı-aq, qazaqstandyq batalonnyń bitimgerlik mindetterdi oryndaýda tájirıbesiniń bar ekendigin aıtqan. Áńgime Qazaqstan áskerı qyzmetshileriniń 2003-2008 jyldar kezeńinde Irakqa járdemi jóninde bolyp otyr. «Qazbat» Irakta oq-dárilerdi zalalsyzdandyrý, paıdalanýǵa jaramdy sý kózderin tabý jáne medıtsınalyq mekemelerdiń qurylysyn salý jumystaryn júzege asyrdy.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT