+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Naǵyz qıyn shaqta qoldaý bolǵan Joldaý bul – Yrza Tursynzada

2020 jylǵy 2 qyrkúıek 13:55
Bólisińiz:
Naǵyz qıyn shaqta qoldaý bolǵan Joldaý bul – Yrza Tursynzada

NUR-SULTAN. QazAqparat – Sybaılas jemqorlyqqa qarsy is-qımyl agenttiginiń janynan qurylǵan respýblıkalyq aqparattyq-aǵartý shtabynyń tóraıymy, «Altyn sapa» syılyǵynyń ıegeri, «Qurmet» ordeniniń kavaleri, «Qazaqstannyń eń úzdik óniminiń» 5 dúrkin jeńimpazy Yrza Tursynzada Memleket basshysynyń Joldaýyna qatysty pikir bildirdi, dep habarlaıdy astana.kz.

Uqsas jańalyqtar

Ol Prezıdent Qasym-Jomart Toqaevtyń koronavırýs indeti jaǵdaıyndaǵy Joldaýy halyqqa senim uıalatqanyn, biraz kókeıtesti, kúrdeli máselelerdiń túıinin sheshkenin atap ótti.

Jemqorlyq – ultymyzǵa jat dúnıe. Osy oraıda, Prezıdent óz Joldaýynda qoǵamnyń damýyna, eldiń ekonomıkalyq-saıası damýyna kedergi keltiretin jemqorlyqtan qutylý tetikterin atap ótti. Agenttik parasat, adaldyq, tazalyqty dáripteýde úlken qyzmet atqarýda. Denemen sot organdaryna tapsyrǵannyń ózinde jazasynan qutylyp ketetinder bar. Qamaýǵa alynǵandar merziminen buryn shyǵyp jatyr. Árıne, osydan keıin jemqorlyqty toqtatý múmkin emes. Prokýratýra, sot, agenttik, Prezıdent, búkil halyq tabandylyq tanytyp, ulttyq qozǵalys jasaýymyz kerek», – dedi Yrza Tursynzada.

Bul rette spıker Prezıdenttiń qamaýǵa alynǵandardy merziminen buryn bostandyqqa shyǵarmaý týraly usynysyn tilge tıek etti.

«Bul usynystyń astarynda sanany oıatý máselesi jatyr. Memleket basshysynyń quqyq qorǵaý organdaryn synǵa alýy óte oryndy. Sebebi sot, prokýratýra ókilderi jemqorlyqpen ustalǵandardyń jazasyn jeńildetip, sytylyp ketýine múmkindik berdi. Endi bul zań júzinde qadaǵalanatyn bolady. Sondaı-aq jemqorlyqpen ustalǵandardyń memlekettik, kvazımemlekettik sektorda jumys isteýine tıym salynǵany, sol boıynsha naqty tapsyrmalar berilgeni de quptarlyq jaǵdaı. Keı adamdar jemqorlyq derekterin kóre tura, ony aıtýdy namys sanaıdy. Bul – jalǵan namys. Memleket qarjysyn jymqyrǵan qylmyskerdi qorǵaý – Otandy satý degen sóz. Osyǵan baılanysty Prezıdent sybaılas jemqorlyq týraly habar berip, agenttikpen birigip jumys isteıtin adamdardy zań júzinde qorǵaıtyn júıe qalyptastyrý keregin naqty atap ótti», – dedi Y.Tursynzada.

Sonymen qatar ol qoǵamdyq baqylaýǵa qatysty Prezıdent bastamasynyń aıryqsha ózektiligine toqtaldy.

«Joldaýda memlekettik organdar men kvazımemlekettik sektordyń qoǵam aldyndaǵy jaýapkershiligi, esep berýi, qoǵamdyq qadaǵalaýdy zań júzinde bekitý kerektigi aıtyldy. Qoǵamdyq baqylaý búgingi tańda asa qajet. Búkil qoǵam bolyp qarajattyń qaıda jumsalyp jatqanyn qadaǵalap otyrsaq, elimizdiń damýyna birigip úles qosar edik. Qoǵamdyq keńesterdiń mańyzy kún sanap artýda. Qoǵam men memleket arasyndaǵy baılanys kúsheıýde. Prezıdent eldiń muń-muqtajyn tyńdaıtyn memleket qalyptastyrý jaıly aıtty.

Bul Joldaýda kásipkerlikke erekshe qoldaý kórsetildi. Eldegi kásipkerlik týraly aqparatqa qanyq ekeni baıqaldy. Sýbsıdııa máselesine, pandemııa kezinde tabysynan aırylǵan kásipkerlerge úlken mán berildi. Bul «Uran-joldaý» emes, naǵyz qıyn shaqta qoldaý bolǵan Joldaý. Osy qoıylǵan maqsattyń barlyǵy oryndalsa, biz búgingi synaqtan el bolyp birigip, ult bop uıysyp ótetinimizge kámil senemin», – dep túıindedi Y.Tursynzada.



Bizdiń kanalymyzǵa jazylyńyz:

Bólisińiz:

Avtor:

Aqbópe Ábdrasýl

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Kanat Tokabaev
Kanat Tokabaev
954-059

MURAǴAT