Nıý-Iork shtaty 10 qarý-jaraq kompanııasyn sotqa berdi
2022 jylǵy 30 maýsym 16:11

Nıý-Iork shtaty 10 qarý-jaraq kompanııasyn sotqa berdi

NЬıÝ-IORK. QazAqparat – Nıý-Iork shtatynyń talap-aryzy kóshelerdi baqylaýsyz atys qarýymen toltyrǵan Brownells, Indie Guns, Primary Arms jáne Rock Slide sııaqty qarý-jaraqtyń jetekshi ulttyq dıstrıbıýtorlaryna qarsy baǵyttalǵan, dep habarlaıdy QazAqparat ABC News basylymyna silteme jasap.

Nıý-Iork shtatynyń Bas prokýrory Letıtsıeı Djeıms qarý-jaraq dıstrıbıýtorlaryn atys qarýynyń sanyn kóbeıtti dep aıyptady. Nıý-Iork qalasy sonymen qatar zańsyz qarý-jaraq komponentterin satýdy jáne qalaǵa jetkizýdi toqtatýdy talap etip, sotqa shaǵym túsirdi. Quqyq qorǵaý organdarynyń ókilderi bul qarý ishinara amerıkalyq qalalardyń kóshelerinde atys qarýy men qylmystyń kóbeıýine sebep boldy dep málimdedi.

Talap-aryzǵa sáıkes, mamyr aıynda atys qarýyn ıelenýge zańdy ruqsaty joq buryn sottalǵan er adam Brownells, Glockstore jáne Primary Arms-tan jetkizilimder alǵan. Sol aıda bul azamat Bronks okrýginde bir kisini óltirip, ekeýin jaralaǵan. Óz kezeginde Florıda shtatynyń Orlando qalasyndaǵy advokat indie Guns bul talap-aryzdy «Nıý-Iork turǵyndarynyń quqyǵyn kezekti ret shekteıtin negizsiz áreket» dep atady.

Talap-aryzdar AQSh Joǵarǵy Soty Nıý-Iork shtatynyń qoǵamdyq oryndarda jasyryn qarý alyp júrýdi shekteıtin Zańyn joıǵannan birneshe kún ótken soń berildi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT