+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Mustafa Shentop: QR Tuńǵysh Prezıdentiniń bastamalary búkil álem úshin mańyzǵa ıe

2020 jylǵy 26 qarasha 19:23
Bólisińiz:
Mustafa Shentop: QR Tuńǵysh Prezıdentiniń bastamalary búkil álem úshin mańyzǵa ıe

NUR-SULTAN. QazAqparat – Túrkııanyń Uly Ulttyq Májilisiniń tóraǵasy Mustafa Shentop Qazaqstannyń Tuńǵysh Prezıdenti Nursultan Nazarbaevtyń bastamalary búkil álem úshin zor mańyzǵa ıe dep sanaıdy. Bul týraly QazAqparat Májilistiń baspasóz qyzmetine silteme jasap habarlaıdy.

Tuńǵysh Prezıdent kúnine oraı «Elbasy N.Á.Nazarbaevtyń Qazaqstandaǵy parlamentarızmniń qalyptasýy men damýyndaǵy róli» atty Májilis uıymdastyrǵan halyqaralyq konferentsııada sóz sóılegen Túrkııa Parlamentiniń Spıkeri Mustafa Shentop Qazaqstan men Túrkııa tereń tarıhı jáne mádenı baılanystardy jalǵastyratyn eki dostas jáne baýyrlas halyq ekenin aıtty.

Mustafa Shentoptyń aıtýynsha, Túrkııa Qazaqstandy Ortalyq Azııadaǵy mańyzdy saıası jáne ekonomıkalyq seriktes jáne óńirdegi turaqtylyq pen beıbitshiliktiń kepili retinde qarastyrady.

Mustafa Shentop Qazaqstannyń Tuńǵysh Prezıdenti Nursultan Ábishuly Nazarbaevtyń memlekettiliktiń qalyptasýy men eldiń ekonomıkalyq damýyndaǵy ǵana emes, sonymen birge Qazaqstandy beıbitshilikti nyǵaıtý isinde kóshbasshy bolyp tabylatyn qýatty memleketke aınaldyrýdaǵy tarıhı rólin atap ótti.

«Qazaqstannyń údemeli damýynda Elbasy Nursultan Nazarbaevtyń demokratııany, adam quqyqtaryn jáne zańnyń ústemdigin damytý jolynda qolǵa alǵan qadamdary mańyzdy oryn alatyny sózsiz», - dedi túrik Parlamentiniń ókili.

Nursultan Nazarbaev myqty kóshbasshylyq qasıettermen qatar demokratııany nyǵaıtyp, Qazaqstandy jańǵyrta bilgen, bul rette myzǵymas erik-jiger tanytqan sırek kezdesetin saıasatkerlerdiń biri ekenine Túrkııa Uly Ulttyq Jınalysynyń Tóraǵasy erekshe toqtaldy.

Sonymen qatar konferentsııada talqylanǵan máselelerdiń ózektiligi men mańyzdylyǵyn nazar aýdarǵan Mustafa Shentop Qazaqstannyń Tuńǵysh Prezıdenti Nursultan Nazarbaevtyń parlamentarızm men parlamenttik mádenıetti damytýǵa qosqan úlesin de atap ótti.

«Nursultan Nazarbaev - jol kórsetetin jáne óte dana tulǵa. Sondyqtan onyń qundy kózqarastary men kóregendigin búkil álem qoldanýy kerek», - dedi Mustafa Shentop.

Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT