+7 (701) 759 90 19
USD 381.10 EUR 420.81
RUB 5.65 CNY 54.57
Jańalyqtar

Murat Áıtenov Shymkenttegi birqatar nysandy aralady

2020 jylǵy 26 qańtar 18:59
Bólisińiz:
Murat Áıtenov Shymkenttegi birqatar nysandy aralady

ShYMKENT. QazAqparat – Shymkent qalasynyń ákimi Murat Áıtenov qaladaǵy birqatar nysandy avtobýspen aralap, basqarma basshylaryna tıisti tapsyrmalar berdi, dep habarlaıdy QazAqparat.

Shahar basshysy aldymen «Shymkent sıtı» qalashyǵyna at basyn buryp, 1200 oryndyq mekteptiń qurylysymen tanysty. Murat Dúısenbekuly qurylystyń ýaqytyly ári sapaly atqarylý kerektigine kóńil bólip, jaýapty tulǵalarǵa naqty tapsyrmalar berdi.



Budan soń qala ákimi Qajymuqan atyndaǵy Ortalyq stadıonǵa baryp, sport kesheniniń kúrdeli jóndeý jumysynyń jobasymen tanysty. Tasken shaǵynaýdanyndaǵy sport alańshasynyń josparyn kórdi. Onda shahardaǵy sport nysandarynyń tehnıkalyq bazasyn nyǵaıtý jaıy qozǵalyp, ol jergilikti daryndy jastarǵa úlken qoldaý ári tanylýyna jol ashatyny týraly aıtyldy.


Kelesi kezekte shahar basshysy «Tassaı» ındýstrıaldy aımaǵyndaǵy «Azııa Trafo» transformator zaýytyn aralap kórdi.

Sondaı-aq, №2 Shymkent qalalyq kópsalaly aýrýhanasynyń jóndeý jumysymen, «Etnoaýyl» qurylysy jobasymen, Fosforshylar saraıynyń kúrdeli jóndeý jumystarymen jáne Badam ózenindegi kópirdiń qurylys jumystarymen tanysty.


Shymkent qalasynyń ákimi is-sapar aıasynda qaramaǵyndaǵy sheneýnikterdiń basyn qosyp, qoǵamdyq kólikte jınalys jasady. Qalany avtobýspen aralaý barysynda shahar basshysy jol boıynda kezdesken problemalarǵa qatysty jaýaptylarǵa naqty tapsyrma berip otyrdy.

Sońynda Shymkent qalasynyń ákimi M. Áıtenov jaýapty basshylarǵa barlyq qurylys barysy qatań baqylaýynda bolatynyn eskertip, jumystardyń sapaly oryndalýy men josparly merzimde aıaqtalýyn nazarynda ustaıtynyn atap ótti.



Bizdiń kanalymyzǵa jazylyńyz:

Basty sózder: Qurylys, Shymkent,
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT