Munaıdyń álemdik baǵasy ósti
2022 jylǵy 30 maýsym 18:42

Munaıdyń álemdik baǵasy ósti

NUR-SULTAN.QazAqparat - Brent markaly munaı beısenbi kúni tańǵy saýda-sattyqta barreline 112,52 dollarǵa saýdalandy, dep habarlaıdy QazAqparat Anadoly agenttigine silteme jasap.

Sársenbidegi sońǵy saýda-sattyqta munaıdyń etalondyq markasynyń barreliniń quny 116,24 dollarǵa jetti jáne kúnniń sońyna qaraı baǵa 112,45 dollar deńgeıinde boldy. 30 maýsymda tańǵy saǵat 09.34-te Brent markaly munaı baǵasy 0,06 paıyzǵa, barreline 112,56 dollarǵa deıin ósti.

WTI markaly munaı fıýchersteriniń quny barreline 109,88 dollardy qurady.

Lıvııanyń negizgi eki portynan munaı jetkiziliminiń toqtatylýy jáne Ekvadorda jalǵasyp jatqan narazylyqtar saldarynan óndiristiń tómendeýi munaı jetkizý máselesin kúsheıtti. Sonymen qatar baǵanyń ósýine AQSh-taǵy kommertsııalyq shıki munaı qorynyń tómendeýi boljamnan da kóp áser etti.

AQSh energetıkalyq aqparat basqarmasynyń málimetinshe, ótken aptada eldegi shıki munaıdyń kommertsııalyq qory 2,8 mıllıon barrelge (0,7 paıyz) -415 mıllıon 600 myń barrelge deıin azaıdy.

Naryq qorlary shamamen 110 000 barrelge azaıady dep kútilgen edi. Kórsetilgen kezeńde AQSh-taǵy benzın qory 2 mln 600 myń (1,2 paıyz) - 221 mln 600 myń barrelge deıin ulǵaıdy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT