Jańalyqtar  >
Munaı baǵasy barreline 98 dollardan tómendedi
2022 jylǵy 15 tamyz 15:32

Munaı baǵasy barreline 98 dollardan tómendedi

BAKÝ. QazAqparat – Juma kúngi saýda-sattyqta munaı baǵasynyń tómendeýi jedeldeı tústi, dep habarlaıdy QazAqparat Turan-ǵa silteme jasap.

Máselen, Londonnyń ICE Futures bırjasynda Brent markaly munaıdyń qazan aıyndaǵy fıýchersteri 12 tamyzda barreline 1,71 dollarǵa (1,69%) arzandap, 97,92 dollardy qurady.

Nıý-Iork taýar bırjasynda (NYMEX) qyrkúıekke arnalǵan WTI fıýchersteriniń baǵa belgilenimi 12 tamyzda 2,04 dollarǵa (2,16%) tómendep, barreline 92,3 dollar boldy.

Bul eki brend baǵasy bir apta buryn shamamen 9% tómendegennen keıin apta basynda qaıta qymbattady. Munaı naryǵy úshin oń faktor bolǵan másele – AQSh-tyń kúshti statıstıkalyq derekteri. Máselen, ınflıatsııa baıaýlaıtyny jáne eńbek naryǵy kúshti bolyp qalatyny ınvestorlarǵa úmit berdi.

Goldman Sachs boljamynsha, benzın men munaı baǵasy jyl sońyna qaraı qaıtadan kóteriledi. Sebebi naryq artyp otyrǵan suranys pen shekteýli usynysty áli de teńestirýi kerek.

Brent fıýchersteri barreline 130 dollarǵa deıin kóterilýi múmkin jáne AQSh-tyń bólshek saýdadaǵy benzın baǵasy shamamen bir gallon úshin 5 dollarǵa (3,78 lıtr) qaıta oralýy yqtımal, dedi Goldman energetıkalyq zertteýler jónindegi dırektory Demıen Kýrvalın Bloomberg agenttigine bergen suhbatynda.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT