+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Múmkindigi shekteýli adamdardy áleýmettik qorǵaý jónindegi zań qabyldandy

2021 jylǵy 23 qyrkúıek 10:59
Bólisińiz:
Múmkindigi shekteýli adamdardy áleýmettik qorǵaý jónindegi zań qabyldandy

NUR-SULTAN. QazAqparat – Parlament Senatynyń jalpy otyrysynda «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» Zańy ekinshi oqylymda qabyldandy, dep habarlaıdy QazAqparat tilshisi.

Uqsas jańalyqtar
Ótken aptada Qazaqstanda 3059 qylmys tirkeldi Áleýmettanýshylar Qazaqstan damýyna mańyzdy úles qosty - Áshimbaev Senat tóraǵasy: Qazaqstandyqtardyń 86 paıyzy qazaq tilin biledi

«Zań jobasynyń basty maqsattarynyń biri - múgedektigi bar adamdardy, múgedektigi bar bala tárbıelep otyrǵan otbasylardy, eńbek ardagerlerin jáne azamattardyń ózge de jekelegen sanattaryn áleýmettik qorǵaý jónindegi zańnamany jetildirý. Zań jobasyn qabyldaýdan kútiletin nátıjege toqtalsaq, múgedek adamdardyń quqyqtaryn qamtamasyz etý jáne ómir súrý sapasyn jaqsartý, qoldanystaǵy áleýmettik qamsyzdandyrý júıesin jetildirý, múgedektigi boıynsha jáne asyraýshysynan aıyrylý jaǵdaıy boıynsha járdemaqy alýshylarǵa qatysty áleýmettik ádilettilik ornatý, múgedek balalardyń barlyq toptary úshin aýrýdyń aýyrlyq dárejesine qaraı járdemaqylar mólsherin arttyrý bolyp otyr», - dedi senator Narıman Tóreǵalıev.

Onyń aıtýynsha, zań jobasy boıynsha Senattyń turaqty komıtetterinen eskertýler men usynystar túsken joq.

«Baıandalǵandy eskere kele, Áleýmettik-mádenı damý jáne ǵylym komıteti Qazaqstan Respýblıkasy Konstıtýtsııasy 61-babynyń 4-tarmaǵyna sáıkes «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyn qabyldaýdy usynady», - dedi depýtat.

Aıta keteıik, ótken aptada Senatta «Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly» zań jobasy talqylanyp, qujat birinshi oqylymda maquldandy.

I toptaǵy múgedektigi bar adamdarǵa kútim kórsetýshilerge jańa járdemaqy túri engiziledi.

Budan basqa, Zańda múgedektigi bar balaǵa kútim jasaý kezeńin 18 jasqa deıin uzartý kózdelgen, bul jasyna baılanysty zeınetaqy tólemderi men bazalyq zeınetaqyny taǵaıyndaýǵa oń áserin tıgizedi.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT