Múlikti talan-tarajǵa saldy dep aıyptalǵan Aqtóbe ákiminiń burynǵy orynbasary aqtaldy
2022 jylǵy 13 tamyz 23:35

Múlikti talan-tarajǵa saldy dep aıyptalǵan Aqtóbe ákiminiń burynǵy orynbasary aqtaldy

NUR-SULTAN. QazAqparat - Aqtóbe oblystyq sotynyń qylmystyq ister jónindegi sot alqasy Aqtóbe qalasy ákiminiń burynǵy orynbasary Jangeldi Áýbákirovti jáne taǵy 4 aıyptalýshyny aqtaý týraly úkim shyǵardy, dep habarlaıdy QazAqparat oblystyq sottyń baspasóz qyzmetine silteme jasap.

Aqtóbe oblystyq sotynyń qylmystyq ister jónindegi sot alqasynyń qaýlysymen asa iri mólsherde senip tapsyrylǵan bóten múlikti ıemdenip alý nemese talan-tarajǵa salý aıyby taǵylǵan (QK-niń 189-babynyń 4-bóligi 2-tarmaǵy) A., D., D., D., M.-ǵa qatysty aqtaý úkimi shyǵaryldy.

Sot otyrysynda aıyptaýshy tarap sottalýshylar A., D., D., D. jáne M. senip tapsyrylǵan bóten múlikti qandaı jolmen asa iri mólsherde talan-tarajǵa salǵany týraly sotqa dáleldemeler usynǵan joq.
Budan basqa, sotpen qylmystyq isti SDTBT-ǵa tirkeý barysynda qylmystyq is júrgizý zań buzýshylyqtary oryn alǵandyǵy anyqtaldy.
Kinásizdik prezýmptsııasyna baılanysty jáne QPK-niń 19-babyna sáıkes aıyptaý úkimin boljamdarǵa negizdeýge bolmaıdy jáne ol anyq dáleldermen rastalýy tıis.
Sotqa deıingi tergep-tekserý organdary A., D., D., D. jáne M. kinásin dáleldeýdiń jetkilikti jıyntyǵyn usynbaǵandyqtan, sot sottalýshylardy kinásiz dep tanydy jáne sottalýshylardyń qylmystyq quqyq buzýshylyqqa qatysqandyǵy dáleldenbegeni úshin olardy aqtady.
Budan basqa, apellıatsııalyq satydaǵy sotpen QPK-niń 170-babynyń 6-bóligine sáıkes «Aqtóbe qalasynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi» MM-niń materıaldyq zalaldy óndirip alý týraly azamattyq talap aryzy qaraýsyz qaldyryldy.
QPK-niń 4-taraýyna sáıkes A., D., D., D. jáne M. úshin qylmystyq protsesti júrgizýshi organnyń zańsyz is-áreketteri nátıjesinde keltirilgen zııandy ońaltýǵa jáne ótetýge quqyqtary bar dep tanyldy.
Apellıatsııalyq úkim zańdy kúshine endi.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT