+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Muqan Ábdirahmanuly: Jańa urpaq ult batyrlarynyń esimin bilýge tıis

2021 jylǵy 18 qyrkúıek 20:15
Bólisińiz:
Muqan Ábdirahmanuly: Jańa urpaq ult batyrlarynyń esimin bilýge tıis

ALMATY. QazAqparat - «Sultanbek Qojanov» qoǵamdyq birlestiginiń tóraǵasy Muqan Ábdirahmanuly Almaty ákimi Baqytjan Saǵyntaevtyń salynyp jatqan eki metro beketiniń ataýyn ózgertý týraly bastamasyn qoldaıdy, dep habarlaıdy QazAqparat tilshisi.

Onyń aıtýynsha, elimizdiń árbir azamaty kórnekti tulǵalardyń ómiri men qyzmeti týraly bilýi jáne este saqtaýy tıis.

«Bul esimder bir kezderi Qazaqstannyń dańqyn shyǵardy. Olar óskeleń urpaqtyń jadynda qalýy kerek. Tarıhı tulǵalardyń qadir-qasıetin bilý, olardyń esimin ulyqtaý ári máńgilik etý – bizdiń urpaqtyń ata-babalar aldyndaǵy boryshy. Men metro beketterine Baýyrjan Momyshuly men Qarasaı batyrdyń esimin berýdi tolyq qoldaımyn», - dedi ol.

Ol sonymen qatar Baýyrjan Momyshulynyń jaı ǵana halyq batyry emes, Uly Otan soǵysy kezindegi áskerı qolbasshy bolǵanyn qosty. Onyń esimi erekshe qurmetke laıyq.

Ol polkty, keıin dıvızııany basqarǵan kreatıvti oıshyl áskerı basshy boldy.

Qarasaı batyr da - áskerı qolbasshy bolǵan, áıgili Orbulaq shaıqasyna qatysyp, jońǵarlarmen soǵysyp, Jetisýda bir emes, birneshe ret jeńiske jetken.

Aıtý kerek, Almaty qalasynyń máslıhat depýtattary qala ákiminiń «Zapadnyı» avtovokzaly atalýy tıis bolashaq vokzaldyń ataýyn «Qarasaı» stansasyna ózgertý týraly usynysyn qoldady. Olardy «Baýyrjan Momyshuly» jáne «Qarasaı» ataý usynyldy.

Dostyq beketi Abaı dańǵyly men Momyshuly kóshesiniń qıylysynda salynyp jatyr. Onyń tehnıkalyq iske qosylýy osy jyldyń sońyna josparlanǵan. «Zapadnyı» avtovokzal beketi Almaty oblysy Qarasaı aýdanynyń shekarasynda salynady.

Belgilengen tártip boıynsha ákimdiktiń qaýlysy men Almaty qalasy máslıhatynyń sheshimi Respýblıkalyq onomastıkalyq komıssııaǵa jiberiledi, onda túpkilikti sheshim qabyldanady.


Bizdiń kanalymyzǵa jazylyńyz:

Bólisińiz:

Avtor:

Dýman Arǵyngeldi

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT