FÝTBOLDAN ÁLEM ChEMPIONATY-2022
  Jańalyqtar  >

Muhtar Tileýberdi Japonııa Syrtqy ister mınıstrimen kelissóz ótkizdi

2022 jylǵy 26 qyrkúıek, 19:58
Muhtar Tileýberdi Japonııa Syrtqy ister mınıstrimen kelissóz ótkizdi

TOKIO. QazAqparat - Memleket basshysynyń tapsyrmasymen QR Premer-Mınıstriniń orynbasary - Syrtqy ister mınıstri Muhtar Tileýberdi Japonııanyń burynǵy Premer-Mınıstri Sındzo Abenyń memlekettik jerleý rásimine qatysý úshin Tokıoǵa keldi, dep habarlaıdy QazAqparat.

Málim etilgendeı, qazaqstandyq delegatsııa Japonııa astanasyna kelgennen keıin Muhtar Tileýberdi Japonııanyń Syrtqy ister mınıstri Eshımas Haıashımen kelissózder ótkizdi. Mınıstr M. Tileýberdi Prezıdent Qasym-Jomart Toqaevtyń jáne Qazaqstan halqy atynan kóńil aıtyp, Sındzo Abe elimizdiń jaqyn dosy bolǵanyn jáne eki memleket arasyndaǵy ózara qarym-qatynasty nyǵaıtýǵa qomaqty úles qosqanyn atap ótti.

«Kelissózder barysynda taraptar tarıhı qysqa merzim ishinde Qazaqstan men Japonııa keńeıtilgen strategııalyq seriktestik deńgeıine qol jetkizgenin jáne bıyl dıplomatııalyq qatynastardyń ornaǵanyna 30 jyl tolǵanyn atap ótti.

Mınıstrler ekijaqty qarym-qatynastyń keń aýqymdy máselelerin, saýda-ekonomıkalyq jáne ınvestıtsııalyq yntymaqtastyqty keńeıtý joldaryn, sondaı-aq kópjaqty formattaǵy ózara is-qımyldy talqylady. Joǵary jáne asa joǵary deńgeıdegi aldaǵy is-sharalar kestesi egjeı-tegjeıli qaraldy», - delingen SІM habarlamasynda.


Foto: QR Syrtqy ister mınıstrliginiń baspasóz qyzmeti



Uqsas jańalyqtar
Seriktester jańalyqtary

Jańalyqtar