+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Muhtar Tileýberdi Qazaqstannyń BUU-daǵy róli týraly pikir bildirdi

2019 jylǵy 1 qarasha 18:53
Bólisińiz:
Muhtar Tileýberdi Qazaqstannyń BUU-daǵy róli týraly pikir bildirdi

NUR-SULTAN. QazAqparat – QR Syrtqy ister mınıstri Muhtar Tileýberdi Qazaqstannyń BUU-daǵy róli týraly pikir bildirdi, dep habarlaıdy QazAqparat tilshisi.

Uqsas jańalyqtar
Qasym-Jomart Toqaevtyń BUU-daǵy mol tájirıbesi salmaqty usynystar jasaýǵa kómektesedi - sarapshylar Atamqulov BUU Damý baǵdarlamasynyń jáne ıÝNISEF Turaqty ókilderin qabyldady

«BUU-men yntymaqtastyq bizdiń syrtqy saıasatymyzdyń basymdyǵy bolyp qala beredi. Kópjaqty yntymaqtastyǵymyzdyń 27 jylynda Qazaqstan men BUU berik seriktestik ornata aldy. Bizdiń memleket BUU-nyń 100-den astam kelisimderi men konventsııalaryna qosyldy jáne BUU-nyń 19 baǵdarlamasy men agenttikterin qabyldady. Bizdiń Prezıdentterimizdiń BUU-nyń Nıý-Iorktegi shtab-páterine 12 saparynda, onyń ishinde jaqynda Prezıdent Qasym-Jomart Toqaevtyń BUU Bas assambleıasynyń 74 sessııasyna qatysýynda jáne BUU Bas hatshysynyń Qazaqstanǵa jasaǵan 4 saparynda yntymaqtastyqtyń joǵary deńgeıi kórindi», - dedi Muhtar Tileýberdi.

Ol Qazaqstannyń negizgi bastamalarynyń birneshe ret uıym minberinen aıtylǵanyn eske saldy.

«BUU Bas assambleıasynda alǵashqy sóılegen sózinde Tuńǵysh Prezıdentimiz Nursultan Nazarbaev Azııadaǵy ózara is-qımyl jáne senim sharalary jónindegi keńesti ótkizý bastamasyn kóterdi. Sodan beri AÓSShK qaýipsizdik máselelerin sheshýge ujymdyq kózqarastardyń tuǵyrnamasy retinde óz qundylyǵy men ómirsheńdigin dáleldedi. 2020 jyly AÓSShK-ge tóraǵalyq etkende biz AÓSShK-ny qaıta jańǵyrtyp, ony qaýipsizdik pen damý salasyndaǵy tolyqqandy aımaqtyq uıymǵa aınaldyrý úshin bar kúshimizdi salamyz. Qazaqstannyń Eýropa men Azııa, soltústik pen ońtústik arasyndaǵy geografııalyq jáne saıası kópir retindegi róli bizdiń jahandyq aımaqtyq protsesterge qatysýymyzben ǵana emes, ara aǵaıyn bolyp, senim uıalatý qabiletimizben de aıqyndalady», - dep atap ótti mınıstr.

Spıkerdiń aıtýynsha, Almatydaǵy Irannyń ıadrolyq baǵdarlamasy jónindegi kezdesý jáne Sırııa boıynsha Astana kelissózderi bizdiń ara aǵaıyndyq kúsh-jigerimizdiń moıyndalǵanyn kórsetedi.

«BUU jumysynyń úsh baǵytynda bizdiń kópjaqty kózqarasty qoldaıtyn rólimiz kórinedi, olar – beıbitshilik pen qaýipsizdik, damý jáne adam quqyqtary», - dedi vedomstvo basshysy.

Foto: mfa.gov.kz

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT