+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Muhtar Tileýberdi Berlınde Ortalyq Azııa elderiniń SІM basshylarymen kezdesedi

2020 jylǵy 24 qańtar 18:35
Bólisińiz:
Muhtar Tileýberdi Berlınde Ortalyq Azııa elderiniń SІM basshylarymen kezdesedi

NUR-SULTAN. QazAqparat – QR Syrtqy ister mınıstri Muhtar Tileýberdi Berlınde ótetin Germanııa, Ortalyq Azııa jáne Aýǵanstan SІM basshylarynyń konferentsııasyna qatysady, dep habarlaıdy QazAqparat tilshisi.

Uqsas jańalyqtar
Qazaqstan elshisi Ho Shı Mın atyndaǵy Ulttyq saıası akademııada dáris oqydy Muhtar Tileýberdi qazaqstandyq dıplomattardy kásibı merekesimen quttyqtady

QR SІM resmı ókili Aıbek Smadııarovtyń aıtýynsha, 28 qańtarda Qazaqstan Respýblıkasynyń Syrtqy ister mınıstri Muhtar Tileýberdiniń Berlınge sapary josparlanýda.

«Jumys saparynyń maqsaty - Eýropalyq odaqtyń Ortalyq Azııa elderi men Aýǵanstanǵa arnalǵan jańa strategııasyn iske asyrý aıasyndaǵy Germanııa bastamashylyq etken klımatty qorǵaý jónindegi «Jasyl Ortalyq Azııa» jobasynyń tusaýkeserine arnalǵan konferentsııaǵa qatysý. Іs-sharaǵa Germanııanyń Syrtqy ister mınıstri Haıko Maas, Eýropa odaǵynyń Syrtqy ister jáne qaýipsizdik saıasaty jónindegi Joǵarǵy ókili Djozep Borrel, Ózbekstan, Tájikstan, Qyrǵyzstan, Túrikmenstan jáne Aýǵanstannyń syrtqy saıası vedomstvolarynyń basshylary, sondaı-aq halyqaralyq uıymdar men zertteý ınstıtýttary ókilderiniń qatysýy kútilýde», - dedi Aıbek Smadııarov SІM-de ótken baspasóz máslıhatynda.

Konferentsııa qorytyndysy boıynsha Ortalyq Azııa aımaǵyndaǵy ekologııalyq problemalardy sheshý týraly birlesken sharalardy qarastyratyn deklaratsııaǵa qol qoıylmaq.

«Muhtar Tileýberdiniń sapary baǵdarlamasynda Germanııanyń Syrtqy ister mınıstri Haıko Maas jáne Germanııanyń Ekonomıka jáne energetıka mınıstri Peter Altmaıermen ekijaqty kezdesýleri josparlanǵan, olar Qazaqstan-Germanııa yntymaqtastyǵynyń ózekti máselelerin jáne Qazaqstan Respýblıkasynyń Prezıdenti Qasym-Jomart Toqaevtyń ótken jyldyń jeltoqsan aıyndaǵy Germanııaǵa jasaǵan resmı saparynda qol jetkizilgen ekijaqty kelisimderdiń oryndalýyn talqylaıdy dep kútilýde», - dedi ol.

Sonymen qatar, Muhtar Tileýberdiniń Berlınge jumys sapary aıasynda nemis bıznesiniń basshylyǵy jáne aǵa ókilderimen kezdesýi josparlanyp otyr.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT