+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Muhtar Tileýberdi: Aýǵanstan ekonomıkasyn OA elderimen ıntegratsııalaýdyń mańyzy zor

2019 jylǵy 9 qazan 10:29
Bólisińiz:
Muhtar Tileýberdi: Aýǵanstan ekonomıkasyn OA elderimen ıntegratsııalaýdyń mańyzy zor

NUR-SULTAN. QazAqparat – Aýǵanstannyń ekonomıkasyn kórshi eldermen, sonymen birge Ortalyq Azııa memleketterimen ıntegratsııalaýdyń mańyzy zor. QR Syrtqy ister mınıstri Muhtar Tileýberdi Nur-Sultanda ótip jatqan Eýropadaǵy qaýipsizdik jáne yntymaqtastyq uıymynyń (EQYU) Aýǵanstan boıynsha dóńgelek ústel otyrysynda osylaı dedi, dep habarlaıdy QazAqparat tilshisi.

«Sońǵy 28 jylda Qazaqstan aımaqtaǵy tarıhy men mádenıeti ortaq seriktesterimen tyǵyz baılanys ornatýda tyń bastamalardy kóterip keledi. Kezinde tarıhı turǵyda zor mańyzǵa ıe bolǵan, Jibek joly boıyndaǵy Ortalyq Azııa elderiniń geografııalyq ornalasýy – ózara qarym-qatynasty kúsheıtýge múmkindik beredi. Sondaı-aq, Ortalyq Azııa memleketteri basshylarynyń beıresmı otyrysynyń arqasynda yntymaqtastyqqa jańa jol ashyldy. Qazirgi tańda bizdiń kóshbasshylar ortaq mindetterdi oryndaýda ortaq amal-ádisterdi oılap tabýǵa nyq senimmen kele jatyr. Máselen, 2018 jyldyń tamyzynda Ortalyq Azııa elderiniń basshylary Túrikmenstanda kezdesip, Aral teńizin qutqarý sharalaryn talqylady. Alaıda, búgingi jáne erteńgi kún úshin de kúrdeli máselelelerdiń biri – Aýǵanstandaǵy turaqtylyqqa baılanysty ekenin bárimiz bilemiz», - dedi QR Syrtqy ister mınıstri Muhtar Tileýberdi otyrys barysynda.

Mınıstrdiń aıtýynsha, Aýǵanstannyń turaqty túrde damýy, ondaǵy beıbitshilik pen turaqtylyq – aımaqtaǵy yntymaqtastyqtyń damýyna nyq úles qosady.

«Qazaqstan – aımaqtyq yntymaqtastyqtyń belsendi advokaty retinde aımaqtaǵy «oıynshylar» arasyndaǵy ózara túsinistikke jetý úshin kúsh biriktirýdi kózdeıdi. Aýǵanstan tolyǵymen beıbit protseske, ómirge oralyp, halyqaralyq alańda Qazaqstan saıasaty úshin basymdyqqa ıe elderdiń biri bolyp qala beredi», - dedi ol.

Muhtar Tileýberdi óz sózinde ózara yntymaqtastyqtyń aıasyn keńeıte otyryp, Aýǵanstannyń ekonomıkasyn kórshi eldermen, sonymen birge Ortalyq Azııa memleketterimen ıntegratsııalaýdyń mańyzy zor ekenin atap ótti.

«Eki apta buryn Qasym-Jomart Toqaev Nıý-Iorktegi BUU Bas Assambleıasynyń 74-shi sessııasynda bizdiń elimizdiń Aýǵanstanǵa kómek kórsetýdi jalǵastyrýǵa daıyn ekenin bildirgen bolatyn. Memleket basshysy myqty yntymaqtastyq, uzaq merzimdi ınvestıtsııa, aımaqtyq kelisim – tabys pen eldegi beıbit protsesterge qol jetkizýdi sheshýshi faktor ekenin atap ótti», - dedi ol.

Eske sala ketsek, Nur-Sultanda ótip jatqan Eýropadaǵy qaýipsizdik jáne yntymaqtastyq uıymynyń (EQYU) Aýǵanstan boıynsha dóńgelek ústelinde Muhtar Tileýberdi «Jýsan» operatsııasynyń izimen Qazaqstan Iraktan 14 balany qaıtaryp alýdy josparlap otyrǵanyn málim etken bolatyn.

Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT